Priyank Kharge; ಮಣಿಕಂಠ ರಾಥೋಡ್‌ ವಿರುದ್ಧ ಕಳ್ಳತನ, ಕೊಲೆ ಯತ್ನ ಕೇಸ್‌ಗಳಿವೆ; ಪ್ರಿಯಾಂಕ್‌ ಖರ್ಗೆ
ಕಲಬುರಗಿ; ಚಿತ್ತಾಪುರ ಬಿಜೆಪಿ ಅಭ್ಯರ್ಥಿ ಮಣಿಕಂಠ ರಾಥೋಡ್‌ ಅವರ ವಿರುದ್ಧ ಕೊಲೆಯತ್ನ ಹಾಗೂ ಕಳ್ಳತನ ಕೇಸ್‌ಗಳಿವೆ. ಅವರ ವಿರುದ್ಧ ಸುಮಾರು 40 ಕೇಸ್‌ಗಳಿದ್ದು, ಅಂತಹವರಿಗೆ ಬಿಜೆಪಿ ಟಿಕೆಟ್‌ ನೀಡಿದೆ ಎಂದು ಕಾಂಗ್ರೆಸ್‌ ಅಭ್ಯರ್ಥಿ ಪ್ರಿಯಾಂಕ್‌ ಖರ್ಗೆ ಆರೋಪ ಮಾಡಿದ್ದಾರೆ. ಮಣಿಕಮಠ ರಾಥೋಡ್‌ ಆಡಿಯೋ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಪ್ರಿಯಾಂಕ್‌, ಅದು ಅವರದ್ದೇ ಎಂಬುದು ಅವರ ವಾಯ್ಸ್‌ ಕೇಳಿರುವ ಎಲ್ಲರಿಗೂ ಗೊತ್ತಾಗುತ್ತದೆ ಎಂದು ಹೇಳಿದ್ದಾರೆ.
ನಮ್ಮ ಕುಟುಂಬವನ್ನು ಸಾಯಿಸುವ ಬಗ್ಗೆ ಮಣಿಕಂಠ ರಾಥೋಡ್‌ ಮಾತನಾಡಿದ್ದಾರೆ. ಈ ಆಡಿಯೋ ಬಗ್ಗೆ ಬಿಜೆಪಿಯವರು ಉತ್ತರ ಕೊಡಬೇಕು ಎಂದು ಪ್ರಿಯಾಂಕ್‌ ಖರ್ಗೆ ಆಗ್ರಹ ಮಾಡಿದ್ದಾರೆ. ಮಣಿಕಂಠ ರಾಥೋಡ್‌ ಮಾತನಾಡುವ ಸ್ಟೈಲ್‌ ನೋಡಿದರೆ ಆಡಿಯೋ ಆತನದ್ದೇ ಅನ್ನೋದು ಗೊತ್ತಾಗುತ್ತೆ. ಈ ಹಿಂದೆ ಕೂಡಾ ಆತ ಸುದ್ದಿಗೋಷ್ಠಿಯಲ್ಲೇ ಶೂಟ್‌ ಮಾಡುತ್ತೇನೆ ಎಂದು ಹೇಳಿದ್ದ ಎಂದಿರುವ ಪ್ರಿಯಾಂಕ್‌, ಆಡಿಯೋ ಬಗ್ಗೆ ಕಾನೂನು ಹೋರಾಟ ಮಾಡುತ್ತೇನೆ ಎಂದು ಹೇಳಿದ್ದಾರೆ.
