ಧರ್ಮರಾಯ ದೇಗಲದ ಮುಂದೆ ಕರ್ಪೂರ ಪೂಜೆ ವೇಳೆ ಅವಘಡ; ಹತ್ತು ವಾಹನ ಭಸ್ಮ

ಬೆಂಗಳೂರು; ಇಂದು ವಿಶ್ವವಿಖ್ಯಾತ ಬೆಂಗಳೂರು ಕರಗ ನಡೆಯುತ್ತಿದೆ. ಈ ಹಿನ್ನೆಲೆಯಲ್ಲಿ ನಡೆಯುತ್ತಿದ್ದ ಕರ್ಪೂರ ಪೂಜೆ ವೇಳೆ ಅಹಿತಕರ ಘಟನೆ ನಡೆದಿದೆ. ರಸ್ತೆಯಲ್ಲಿ ದೊಡ್ಡ ದೊಡ್ಡ ಕರ್ಪೂರ ಹಚ್ಚಲಾಗಿದ್ದು, ಅದರ ಬೆಂಕಿ ಅಕ್ಕಪಕ್ಕ ನಿಲ್ಲಿಸಿದ್ದ  ವಾಹನಗಳಿಗೆ ತಗುಲಿದೆ. ಇದರಿಂದಾಗಿ ಹತ್ತಕ್ಕೂ ಹೆಚ್ಚು ವಾಹನಗಳು ಬೆಂಕಿಗೆ ಆಹುತಿಯಾಗಿವೆ.

ಧರ್ಮರಾಯ ದೇವಸ್ಥಾನದ ಬಳಿ ಸುಮಾರು 700 ಮೀಟರ್‌ ಕರ್ಪೂರ ಹಚ್ಚಲಾಗಿತ್ತು. ಈ ವೇಳೆ ಈ ದುರ್ಘಟನೆ ನಡೆದಿದೆ. ಅಗ್ನಿಶಾಮಕ ಸಿಬ್ಬಂದಿ ಸ್ಥಳಕ್ಕಾಗಮಿಸಿ ಬೆಂಕಿ ನಂದಿಸಿದ್ದಾರೆ. ಇಂದು ರಾತ್ರಿ ವಿಶ್ವವಿಖ್ಯಾತ ಕರಗ ಮಹೋತ್ಸವ ನಡೆಯಲಿದೆ.