ಪವಿತ್ರಾ ಲೋಕೇಶ್-ನರೇಶ್‌ ಮದುವೆ ವಿಡಿಯೋ ವೈರಲ್‌; ಏನಿದರ ಹಿಂದಿನ ಗುಟ್ಟು..?
ಹೈದರಾಬಾದ್‌; ತೆಲುಗು ನಟ ನರೇಶ್‌ ಹಾಗೂ ನಟಿ ಪವಿತ್ರಾ ಲೋಕೇಶ್ ನಡುವಿನ ಸಂಬಂಧ ಗೊತ್ತೇ ಇದೆ. ಇನ್ನು ಹೊಸ ವರ್ಷದ ಸಂದರ್ಭದಲ್ಲಿ ನರೇಶ್‌ ಅವರು ಪವಿತ್ರಾಗೆ ಮುತ್ತಿಡುವ ವಿಡಿಯೋವೊಂದನ್ನು ಹಂಚಿಕೊಂಡಿದ್ದರು. ಇದೀಗ ಮತ್ತೊಂದು ವಿಡಿಯೋ ಹಂಚಿಕೊಂಡಿದ್ದಾರೆ. ಅದು ನರೇಶ್‌ ಹಾಗೂ ಪವಿತ್ರಾ ಲೋಕೇಶ್ ಅವರ ಮದುವೆ ವಿಡಿಯೋ. ಆದ್ರೆ, ರಮ್ಯಾಗೆ ವಿಚ್ಛೇದನ ನೀಡದೇ ನರೇಶ್‌ ಬೇರೆ ಮದುವೆಯಾಗುವಂತಿಲ್ಲ. ಹೀಗಿದ್ದರೂ ಪವಿತ್ರಾ ಜೊತೆಗಿನ ಮದುವೆ ವಿಡಿಯೋವನ್ನು ನರೇಶ್‌ ಹಂಚಿಕೊಂಡಿದ್ದಾರೆ. ಆದ್ರೆ ಅದು ನಿಜವಾದ ಮದುವೆ ವಿಡಿಯೋ ಅಲ್ಲವಂತೆ. ಸಿನಿಮಾವೊಂದರಲ್ಲಿ ಮದುವೆ ದೃಶ್ಯವಂತೆ. ಕಾನೂನು ಪ್ರಕಾರ ಮದುವೆಯಾಗಲು ಸಾಧ್ಯವಿಲ್ಲದ ಕಾರಣ ನರೇಶ್‌ ಸಿನಿಮಾ ದೃಶ್ಯದಲ್ಲೇ ತಮ್ಮ ಆಸೆ ಈಡೇರಿಸಿಕೊಂಡಿದ್ದಾರೆ ಎಂದು ಹೇಳಲಾಗುತ್ತಿದೆ.
ನರೇಶ್‌ ಈ ವಿಡಿಯೋ ಹಂಚಿಕೊಂಡಿದ್ದು, ವಿಡಿಯೋ ಜೊತೆಗೆ “ಒಂದು ಪವಿತ್ರ ಬಂಧ.. ಎರಡು ಮನಸುಗಳು.. ಮೂರು ಮುಳ್ಳುಗಳು.. ಏಳು ಪಾದಗಳು” ಎಂದು ಬರೆದುಕೊಂಡಿದ್ದಾರೆ. ಇದು ಈಗ ಚರ್ಚೆಗೆ ಕಾರಣವಾಗಿದೆ. ಮೂಲಗಳ ಪ್ರಕಾರ ನರೇಶ್‌ ಹಾಗೂ ಪವಿತ್ರಾ ಲೋಕೇಶ್ ಅವರ ಪ್ರೇಮ ಕಥೆಯನ್ನೇ ಚಿತ್ರವನ್ನಾಗಿಸಲಾಗಿದೆಯಂತೆ. ಇದ್ರಲ್ಲಿ ಸ್ವತಃ ನರೇಶ್‌ ಹಾಗೂ ಪವಿತ್ರಾ ಲೋಕೇಶ್ ಅವರು ನಟನೆ ಮಾಡಿದ್ದಾರೆ ಎನ್ನಲಾಗಿದೆ. ಆ ಸಿನಿಮಾದಲ್ಲಿ ಇಬ್ಬರೂ ಮದುವೆ ಆಗುವ ಸನ್ನಿವೇಶ ಕೂಡ ಇದೆಯಂತೆ. ಸದ್ಯ ಹರಿಬಿಟ್ಟಿರುವ ವಿಡಿಯೋ ಕೂಡ ಸಿನಿಮಾದ ದೃಶ್ಯವೆಂದು ಹೇಳಲಾಗುತ್ತಿದೆ.
