ಪ್ರಧಾನಿಗೆ ನೀವು ನೀಡಿದ ಪ್ರೀತಿ ಅವಿಸ್ಮರಣೀಯ; ಬೆಳಗಾವಿಗರನ್ನು ಅಭಿನಂದಿಸಿದ ಸಿಎಂ

ಬೆಳಗಾವಿ; ಪ್ರಧಾನಿಗೆ ನೀವು ನೀಡಿದ ಪ್ರೀತಿ ಅವಿಸ್ಮರಣೀಯ. ಬೆಳಗಾವಿಯ ಜನ ಇಂದು ಹೊಸ ದಾಖಲೆ ನಿರ್ಮಾಣ ಮಾಡಿದ್ದಾರೆ ಎಂದು ಸಿಎಂ ಬಸವರಾಜ ಬೊಮ್ಮಾಯಿ ಹೇಳಿದ್ದಾರೆ. ಇಲ್ಲಿನ ಮಾಲಿನಿ ಸಿಟಿಯಲ್ಲಿ ನಡೆದ ಸಮಾವೇಶದಲ್ಲಿ ಮಾತನಾಡಿದ ಅವರು, ಪ್ರಧಾನಿ ನರೇಂದ್ರ ಮೋದಿಯವರನ್ನು ಹಾಡಿಹೊಗಳಿದರು.

ವಿವಿಧ ಅಭಿವೃದ್ಧಿ ಕಾರ್ಯಗಳಿಗೆ ಪ್ರಧಾನಿ ಮೋದಿ ಚಾಲನೆ ನೀಡಿದರು. ಇದೇ ವೇಳೆ ಮಾತನಾಡಿದ ಸಿಎಂ ಬೊಮ್ಮಾಯಿ, ಬೆಳಗಾವಿ ಜನರು ಮೋದಿಯವರ ಬಗ್ಗೆ ವಿಶೇಷ ಪ್ರೀತಿ ತೋರಿದ್ದಾರೆ. ಅವರನ್ನು ಸ್ವಾಗತಿಸಲು ದೊಡ್ಡ ಮಟ್ಟದಲ್ಲಿ ಜನ ಸೇರಿದ್ದಾರೆ. ನಿಮ್ಮ ಈ ಪ್ರೀತಿ ಅವಿಸ್ಮರಣೀಯ ಎಂದು ಹೇಳಿದರು.