ಆಹಾರ ಹರಸಿ ಬಂದು ಪೇಚಿಗೆ ಸಿಲುಕಿದ ಚಿರತೆ; ತೋಟದ ಮನೆಯಲ್ಲಿ ಬಂಧನ

ಮಂಡ್ಯ: ಮೈಸೂರು ಭಾಗದಲ್ಲಿ ದಿನೇ ದಿನೇ ಚಿರತೆ ಹಾವಳಿ ಹೆಚ್ಚಾಗುತ್ತಿಲೇ ಇದ್ದು ಕಳೆದ ರಾತ್ರಿ ಆಹಾರ ಹರಸಿ ಬಂದ ಚಿರತೆಯೊಂದು ತೋಟದ ಮನೆಗೆ ನುಗ್ಗಿ ಬಂಧಿಯಾಗಿದೆ.

ಮಂಡ್ಯ ಜಿಲ್ಲೆ ಕೆ ಆರ್ ಪೇಟೆ ತಾಲ್ಲೂಕಿನ ಅಕ್ಕಿಹೆಬ್ಬಾಳು ಮೂಡನಹಳ್ಳಿ ಗ್ರಾಮದಲ್ಲಿ ಘಟನೆ ನಡೆದಿದೆ. ಗ್ರಾಮದ ನಿಂಗೇಗೌಡರ ತೋಟದಮನೆಗೆ ಚಿರತೆ ನುಗ್ಗಿದ್ದು ಗ್ರಾಮಸ್ಥರ ನೆರವಿನೊಂದಿಗೆ ಮನೆಯಲ್ಲಿ ಚಿರತೆಯನ್ನ ಬಂಧಿಸಿದ್ದಾರೆ.

ತೋಟದ ಮನೆಯಲ್ಲಿ ಕಟ್ಟಿಹಾಕಿದ್ದ ಮೇಕೆಗಳನ್ನ ತಿನ್ನಲು ಬಂದಿರುವ ಚಿರತೆ ಇದೀಗ ಮನೆಯಲ್ಲಿ ಬಂಧಿಯಾಗಿದೆ.

ತೋಟದ ಮನೆಯಲ್ಲಿ ಬಂಧಿಯಾಗಿರುವ ಚಿರತೆ ಜೊತೆಗೆ ಎರಡು ಮೇಕೆಗಳು ಇವೆ, ವಿಚಿತ್ರವೆಂದರೆ ಮೇಕೆಯನ್ನ ತಿನ್ನಲು ಆಗದೆ, ಹೊರಹೊಗಲು ಆಗದೆ ಪೇಚಿಗೆ ಸಿಲುಕಿ ಒದ್ದಾಡುತ್ತಿದೆ.

ಗ್ರಾಮಸ್ಥರು ಚಿರತೆ ಬಂಧಿಯಾಗಿರುವ ಬಗ್ಗೆ ಅರಣ್ಯಾಧಿಕಾರಿಗಳಿಗೆ ಮಾಹಿತಿ ನೀಡಿದ್ದು,ಚಿರತೆಯನ್ನ ಸೆರೆ ಹಿಡಿಯುವಂತೆ ಮನವಿ ಮಾಡಿದ್ದಾರೆ.