ಮಂತ್ರಾಲಯದಲ್ಲಿ ವಿಜೃಂಬಣೆಯ ವೈಕುಂಠ ಏಕಾದಶಿ

ಮಂತ್ರಾಲಯ; ನಾಡಿನಾದ್ಯಂತ‌ ವೈಕುಂಠ ಏಕಾದಶಿಯನ್ನ ಬಹಳ ವಿಜೃಂಭಣೆಯಿಂದ ಆಚರಣೆ ನಡೆಸಲಾಗ್ತಿದೆ. ಶ್ರೀ ಮಂತ್ರಾಲಯ ಮಠದಲ್ಲಿ ವಿಶೇಷವಾಗಿ ವೈಕುಂಠ ಏಕಾದಶಿ ಆಚರಣೆ ಮಾಡಲಾಯಿತು. ಕರ್ನೂಲ್ ಜಿಲ್ಲೆಯ‌ ಮಂತ್ರಾಲಯ ಶ್ರೀ ರಾಘವೇಂದ್ರ ಸನ್ನಿಧಾನದಲ್ಲಿ ವಿಶೇಷವಾಗಿ ವೆಂಕಟೇಶ್ವರನ ಆಲಯವನ್ನು ಪುಷ್ಪಗಳಿಂದ ಅಲಂಕೃತ ಮಾಡಿ ಮನಸೂರೆಗೊಳ್ಳುವಂತೆ ಮಾಡಲಾಗಿತ್ತು.

ಇನ್ನು ಪುಷ್ಪಗಳಿಂದ  ನಿರ್ಮಾಣವಾದ ಆಲಯದ ಉತ್ತರ ದ್ವಾರಕ್ಕೆ ಮಠದ ಪಿಠಾದ್ಯಕ್ಷರಾದ ಶ್ರೀ ಸುಭುದೇಂದ್ರ ತೀರ್ಥರು ಪ್ರತ್ಯೇಕವಾಗಿ ಪೂಜೆ ಸಲ್ಲಿಸಿದರು,‌ ನಂತರ ವಿಶೇಷವಾಗಿ ಅಲಂಕೃತವಾಗಿದ್ದ ಶ್ರೀ ವೆಂಕಟೇಶ್ವರನಿಗೆ ಪೂಜೆ ಸಲ್ಲಿಸಿ ಮಂಗಳಾರತಿ ಮಾಡುವ ಮೂಲಕ ವೈಕುಂಠ ಏಕಾದಶಿಗೆ ಅದ್ದೂರಿಯಾಗಿ ಚಾಲನೆ ನೀಡಿ ಭಕ್ತರ ದರ್ಶನಕ್ಕೆ ಅನುವು ಮಾಡಿಕೊಟ್ಟರು. ಬಳಿಕ ಭಕ್ತರಿಗೆ ಶ್ರೀಗಳು ಆಶಿರ್ವಚನ‌ ನೀಡಿದರು.