ಸ್ವಂತ ಜಾಗದಲ್ಲಿ ಟಿಪ್ಪು ಪ್ರತಿಮೆ ಕಟ್ಟಿದ್ರೂ ಧ್ವಂಸ ಮಾಡ್ತೇವೆ; ಮುತಾಲಿಕ್‌ ಎಚ್ಚರಿಕೆ
ಶಿವಮೊಗ್ಗ; ಶಾಸಕ ತನ್ವೀರ್‌ ಸೇಠ್‌ ಮೈಸೂರು ಅಥವಾ ಶ್ರೀರಂಗಪಟ್ಟಣದಲ್ಲಿ ಟಿಪ್ಪು ಪ್ರತಿಮೆ ಕಟ್ಟೋದಾಗಿ ಹೇಳಿದ್ದಾರೆ. ಇದು ಈಗ ಭಾರೀ ವಿವಾದಕ್ಕೆ ಕಾರಣವಾಗಿದೆ. ಮುಸ್ಲಿ ಧರ್ಮದ ಪ್ರಕಾರ ಮೂರ್ತಿ ಪೂಜೆ ಮಾಡುವಂತಿಲ್ಲ. ಆದ್ರೆ, ಟಿಪ್ಪು ಮೂರ್ತಿ ಸ್ಥಾಪನೆ ಮಾಡೋದನ್ನು ಮುಸ್ಲಿಮರು ಹೇಗೆ ಒಪ್ಪುತ್ತಾರೆ ಎಂಬ ಪ್ರಶ್ನೆ ಎದ್ದಿದೆ. ಈ ನಡುವೆ ಸ್ವಂತ ಜಾಗದಲ್ಲಿ ಟಿಪ್ಪು ಮೂರ್ತಿ ಕಟ್ಟಿದರೂ ಅದನ್ನು ಧ್ವಂಸ ಮಾಡುತ್ತೇವೆ ಎಂದು ಶ್ರೀರಾಮ ಸೇನೆ ಮುಖ್ಯಸ್ಥ ಪ್ರಮೋದ್‌ ಮುತಾಲಿಕ್‌ ಎಚ್ಚರಿಕೆ ನೀಡಿದ್ದಾರೆ.
ಈ ಬಗ್ಗೆ ಶಿವಮೊಗ್ಗದಲ್ಲಿ ಮಾತನಾಡಿರುವ ಅವರು, ಟಿಪ್ಪು ಪ್ರತಿಮೆಯನ್ನು ಯಾವುದೇ ಕಾರಣಕ್ಕೂ ಕಟ್ಟುವುದಕ್ಕೆ ಬಿಡುವುದಿಲ್ಲ. ಒಂದು ವೇಳೆ ಹಠಕ್ಕೆ ಬಿದ್ದು ಸ್ವಂತ ಜಾಗದಲ್ಲಿ ಕಟ್ಟಿದರೂ ಅದನ್ನು ಬಾಬ್ರಿ ಮಸೀದಿ ಧ್ವಂಸ ಮಾಡಿದಂತೆಯೇ ಟಿಪ್ಪು ಮೂರ್ತಿಯನ್ನು ಧ್ವಂಸ ಮಾಡುತ್ತೇವೆ ಎಂದು ಹೇಳಿದ್ದಾರೆ.
