ನೋಟುಗಳಲ್ಲಿ ದೇವರ ಚಿತ್ರವಿದ್ದರೆ ದೇಶ ಸಮೃದ್ಧವಾಗುತ್ತೆ; ಕೇಜ್ರಿವಾಲ್‌ ಸಲಹೆ
ನವದೆಹಲಿ; ನೋಟುಗಳ ಮೇಲೆ ಗಾಂಧಿ ಚಿತ್ರದ ಜೊತೆಗೆ ದೇವರ ಚಿತ್ರಗಳನ್ನು ಮುದ್ರಿಸಬೇಕೆಂದು ದೆಹಲಿ ಮುಖ್ಯಮಂತ್ರಿ ಅರವಿಂದ ಕೇಜ್ರಿವಾಲ್‌ ಸಲಹೆ ನೀಡಿದ್ದಾರೆ. ದೆಹಲಿಯಲ್ಲಿ ಮಾತನಾಡಿರುವ ಅವರು, ನೋಟುಗಳ ಮೇಲೆ ಲಕ್ಷ್ಮೀ ಹಾಗೂ ಗಣೇಶ ಚಿತ್ರಗಳನ್ನು ಮುದ್ರಿಸಬೇಕೆಂದು ಪ್ರಧಾನಿ ಮೋದಿಗೆ ಮನವಿ ಮಾಡಿದ್ದಾರೆ.
ಇಂಡೋನೆಷ್ಯಾದಲ್ಲಿ ಕರೆನ್ಸಿ ಮೇಲೆ ಗಣೇಶ ಚಿತ್ರವನ್ನು ಮುದ್ರಿಸಲಾಗುತ್ತಿದೆ. ಅದೇ ರೀತಿ ನಮ್ಮ ದೇಶದಲ್ಲೂ ದೇವರ ಚಿತ್ರ ಮುದ್ರಿಸಬೇಕು. ಒಂದು ಬದಿಯಲ್ಲಿ ಗಾಂಧಿ ಚಿತ್ರವಿದ್ದರೆ ಇನ್ನೊಂದು ಬದಿಯಲ್ಲಿ ಲಕ್ಷ್ಮೀ ಹಾಗೂ ಗಣೇಶನ ಚಿತ್ರವಿರಲಿ. ದೇವರ ಚಿತ್ರಗಳನ್ನು ಮುದ್ರಿಸಿದರೆ ದೇಶ ಸಮೃದ್ಧವಾಗಲು ಸಹಾಯಕವಾಗುತ್ತದೆ ಎಂದೂ ಕೇಜ್ರಿವಾಲ್‌ ಹೇಳಿದ್ದಾರೆ.
