20 ಲಕ್ಷ ರೂಪಾಯಿ ಮೌಲ್ಯದ 10 ಏರ್‌ಗನ್‌ ವಶ; ಆರೋಪಿ ಅರೆಸ್ಟ್‌
ಲಕ್ನೋ ; ದುಬೈನಿಂದ ಬಂದಿದ್ದ ಪ್ರಯಾಣಿಕನ ಬಳಿ ಹತ್ತು ಏರ್ ಗನ್ಗಳು ಪತ್ತೆಯಾಗಿವೆ. ಆರೋಪಿ ಏರ್‌ಗಳು ಹಾಗೂ ಹಲವು ಶಸ್ತ್ರಾಸ್ತ್ರ ಪರಿಕರಗಳೊಂದಿಗೆ ಲಕ್ನೋದ ಚೌಧರಿ ಸಿಂಗ್‌ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ಆಗಮಿಸಿದ್ದ. ಅಲ್ಲಿ ಪರಿಶೀಲನೆ ವೇಳೆ ಸಿಕ್ಕಿಬಿದ್ದಿದ್ದು, ಆರೋಪಿಯನ್ನು ಬಂಧಿಸಲಾಗಿದೆ.
ಪತ್ತೆಯಾದ ಶಸ್ತ್ರಾಸ್ತ್ರಗಳ ಮೌಲ್ಯ ಬರೋಬ್ಬರಿ 20,54,000 ರೂಪಾಯಿ ಎಂದು ಎಂದು ತಿಳಿದುಬಂದಿದೆ. ದುಬೈನಿಂದ ಬಂದಿಳಿದ ಪ್ರಯಾಣಿಕನೊಬ್ಬನನ್ನು ಹಸಿರು ಕಾರಿಡಾರ್‌ ಬಳಿ ಕಸ್ಟಮ್ಸ್ ಅಧಿಕಾರಿಗಳು ಪರಿಶೀಲನೆ ನಡೆಸಿದಾಗ ಅಕ್ರಮವಾಗಿ ಲಗೇಜ್ ಬ್ಯಾಗ್ನಲ್ಲಿ 10 ಏರ್ ಗನ್ಗಳು ಸೇರಿದಂತೆ ಟೆಲಿಸ್ಕೋಪಿಕ್ ದೃಶ್ಯಗಳು ಮತ್ತು ಇತರೆ ಶಸ್ತ್ರಾಸ್ತ್ರ ಪರಿಕರಗಳನ್ನು ಯಾವುದೇ ದಾಖಲೆಗಳಿಲ್ಲದೇ ಸಾಗಿಸುತ್ತಿರುವುದು ಕಂಡುಬಂದಿದೆ. ಬಂದೂಕುಗಳ ಜೊತೆ ಬ್ಯಾಗ್ ಅನ್ನು ಕಸ್ಟಮ್ಸ್ ಆಕ್ಟ್, 1962 ರ ಸೆಕ್ಷನ್ 110 ರ ಅಡಿ ವಶಪಡಿಸಿಕೊಳ್ಳಲಾಗಿದೆ.
