ಅಗ್ರಹಾರ ಜಾತ್ರೆಯಲ್ಲಿ ಗಮನ ಸೆಳೆದ ಜಿ.ಪರಮೇಶ್ವರ್‌; ಹೆಣ್ಣು ಮಕ್ಕಳಿಗೆ ಬಳೆ ತೊಡಿಸಿದ ಮಾಜಿ ಸಚಿವ
ತುಮಕೂರು; ಕೊರಟಗೆರೆ ತಾಲ್ಲೂಕಿನ ಚನ್ನರಾಯನದುರ್ಗ ಹೋಬಳಿ ಅಗ್ರಹಾರ ಜಾತ್ರೆ ನಡೆಯುತ್ತಿದೆ. ಈ ಜಾತ್ರೆಯಲ್ಲಿ ಸ್ಥಳೀಯ ಶಾಸಕ ಹಾಗೂ ಮಾಜಿ ಡಿಸಿಎಂ ಜಿ.ಪರಮೇಶ್ವರ್‌ ಪಾಲ್ಗೊಂಡು ಗಮನ ಸೆಳೆದರು. ಜಾತ್ರೆಯಲ್ಲಿ ಸುತ್ತಾಡಿದ ಪರಮೇಶ್ವರ್‌ ಅವರು, ಜಾತ್ರೆಗೆ ಬಂದಿದ್ದ ಹೆಣ್ಣ ಮಕ್ಕಳಿಗೆ ಬಳೆ ಕೊಡಿಸಿದರು. ತಾವೇ ಹೆಣ್ಣು ಮಕ್ಕಳಿಗೆ ಬಳೆ ತೊಡಿಸುವ ಮೂಲಕ ಗಮನ ಸೆಳೆದರು.
ಪ್ರತಿ ವರ್ಷ ಇಲ್ಲಿ ಜಾತ್ರೆ ನಡೆಯಲಿದ್ದು, ಸಾವಿರಾರು ಜನರು ಜಾತ್ರೆಯಲ್ಲಿ ಪಾಲ್ಗೊಳ್ಳುತ್ತಾರೆ. ಈ ಬಾರಿಯೂ ಕೂಡಾ ಜಾತ್ರೆಯಲ್ಲಿ ನೂರಾರು ಅಂಗಡಿಗಳು ಬಂದಿವೆ. ಈ ಅಂಗಡಿಗಳಲ್ಲಿ ಪರಮೇಶ್ವರ್‌ ಅವರು ಒಂದಷ್ಟು ವ್ಯಾಪಾರ ಮಾಡಿದರು. ಅನಂತರ ಹೆಣ್ಣು ಮಕ್ಕಳಿಗೆ ಬಳೆಗಳನ್ನು ಕೊಡಿಸಿದರು.
