ಲತ್ತಿಯ ಸಿನಿಮಾ ಚಿತ್ರೀಕರಣದ ವೇಳೆ ನಟ ವಿಶಾಲ್‌ಗೆ ಪೆಟ್ಟು
ಚೆನ್ನೈ; ಕಾಲಿವುಡ್ ಖ್ಯಾತ ನಟ ವಿಶಾಲ್‌ಗೆ ಗಾಯವಾಗಿದೆ. ಲತ್ತಿಯ ಹೆಸರಿನ ಸಿನಿಮಾ ಚಿತ್ರೀಕರಣ ವೇಳೇ ವಿಶಾಲ್ ಗಾಯಗೊಂಡಿದ್ದಾರೆಂದು ತಿಳಿದುಬಂದಿದ್ದು, ಚಿತ್ರೀಕರಣಕ್ಕೆ ತಾತ್ಕಾಲಿಕ ಬ್ರೇಕ್ ಹಾಕಲಾಗಿದೆ. ಫೈಟ್‌ ಸೀನ್‌ ಚಿತ್ರೀಕರಿಸುವಾಗ ಬಿದ್ದು ಗಾಯವಾಗಿದ್ದು, ವೈದ್ಯರು ರೆಸ್ಟ್‌ ಮಾಡಲು ತಿಳಿಸಿದ್ದಾರೆ.
ಈ ಹಿಂದೆಯೂ ಕೂಡಾ ವಿಶಾಲ್ ಅವರಿಗೆ ಗಾಯವಾಗಿತ್ತು. ಗುಣಮುಖರಾದ ನಂತರ ಚಿತ್ರೀಕರಣಕ್ಕೆ ಮರಳಿದ್ದರು. ಈಗ ಮತ್ತೆ ಅವರಿಗೆ ಗಾಯವಾಗಿದೆ. ನಟ ವಿಶಾಲ್ ಮುಂಬರುವ `ಲತ್ತಿಯ’ ಚಿತ್ರದಲ್ಲಿ ಪೊಲೀಸ್ ಅಧಿಕಾರಿಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಸದ್ಯ ಚಿತ್ರದ ಚಿತ್ರೀಕರಣ ಕೊನೆಯ ಹಂತದಲ್ಲಿದೆ. ಆ್ಯಕ್ಷನ್ ಸೀನ್ಸ್ ಶೂಟಿಂಗ್‌ ಮಾಡುವಾಗ ಗಾಯಗೊಂಡಿದ್ದು, ಸದ್ಯ ಚಿತ್ರೀಕರಣಕ್ಕೆ ಬ್ರೇಕ್ ಹಾಕಲಾಗಿದೆ.
