ಹಿಂದಿ ವಿವಾದ; ಸುದೀಪ್‌ ಪರ ರಾಮ್‌ಗೋಪಾಲ್‌ ವರ್ಮಾ ಬ್ಯಾಟಿಂಗ್‌
ಬೆಂಗಳೂರು: ಹಿಂದಿ ರಾಷ್ಟ್ರಭಾಷೆಯಲ್ಲ ಎಂಬ ನಟ ಸುದೀಪ್‌ ಹೇಳಿಕೆಗೆ ಟಾಂಗ್‌ ಕೊಟ್ಟಿದ್ದ ಬಾಲಿವುಡ್‌ ನಟ ಅಜಯ್‌ ದೇವಗನ್‌ ಹೇಳಿಕೆಗೆ ಸ್ಟಾರ್‌ ನಿರ್ದೇಶಕ ರಾಮ್‌ಗೋಪಾಲ್‌ ವರ್ಮಾ ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಈ ಬಗ್ಗೆ ಟ್ವೀಟ್‌ ಮಾಡಿರುವ ಅವರು, ಸುದೀಪ್‌ ಪರ ಬ್ಯಾಟ್‌ ಬೀಸಿದ್ದಾರೆ.
ರಾಮ್‌ಗೋಪಾಲ್‌ ವರ್ಮಾರ ಟ್ವೀಟ್‌ ವಿವರ ಇಲ್ಲಿದೆ..
ನೆಲದ ಮೂಲ ಸತ್ಯವನ್ನು ಯಾರೊಬ್ಬರೂ ಅಲ್ಲಗಳೆಯಲು ಆಗುವುದಿಲ್ಲ ಸುದೀಪ್‌ ಸರ್. ದಕ್ಷಿಣದ ಚಿತ್ರರಂಗ ಕಲಾವಿದರ ಬಗ್ಗೆ ಉತ್ತರ ಭಾರತದ ನಟ, ನಟಿಯರಿಗೆ ಭಯ ಹಾಗೂ ಅಸೂಯೆ ಇದೆ. ಏಕೆಂದರೆ, ಕನ್ನಡದಿಂದ ಡಬ್‌ ಆದ ‘ಕೆಜಿಎಫ್–2’ ಮೊದಲ ದಿನವೇ 50 ಕೋಟಿ ರೂಪಾಯಿ ಗಳಿಸಿದೆ. ಮುಂದೆ ಹಿಂದಿ ಸಿನಿಮಾಗಳ ಆರಂಭಿಕ ದಿನಗಳನ್ನು ನಾವೆಲ್ಲರೂ ನೋಡಲಿದ್ದೇವೆ.
ಹೀಗಂತ ರಾಮ್‌ಗೋಪಾಲ್‌ ವರ್ಮಾ ಟ್ವೀಟ್‌ ಮಾಡಿದ್ದಾರೆ.
