ವಿಮಾನ ನಿಲ್ದಾಣದಲ್ಲಿ ಐಪಿಎಸ್ ಅಧಿಕಾರಿ ಬ್ಯಾಗ್‌ ಚೆಕ್‌ ಮಾಡಿದವ್ರಿಗೆ ಕಾದಿತ್ತು ಶಾಕ್..!ಅಷ್ಟಕ್ಕೂ ಆ ಬ್ಯಾಗ್‌ನಲ್ಲೇನಿತ್ತು..?
ರಾಜಸ್ಥಾನ: ವಿಮಾನಗಳಲ್ಲಿ ಪ್ರಯಾಣಿಸುವಾಗ ಭದ್ರತಾ ಸಿಬ್ಬಂದಿ ವಿಮಾನ ನಿಲ್ದಾಣಗಳಲ್ಲಿ ಪ್ರಯಾಣಿಕರ ಲಗೇಜ್ ಅನ್ನು ಪರಿಶೀಲಿಸುವುದು ಸಾಮಾನ್ಯ. ವಿಮಾನದಲ್ಲಿ ಅನುಮತಿಸದ ಯಾವುದೇ ವಸ್ತುಗಳು ಇದ್ದರೆ, ಅವುಗಳನ್ನು ತಪಾಸಣೆಯ ಸಮಯದಲ್ಲಿ ಅಲ್ಲಿಯೇ ಬಿಡಬೇಕು. ಆದರೆ, ಐಪಿಎಸ್ ಅಧಿಕಾರಿಯೊಬ್ಬರ ಲಗೇಜ್ ಪರಿಶೀಲಿಸಿದ ವಿಮಾನ ನಿಲ್ದಾಣದ ಸಿಬ್ಬಂದಿ ಸೂಟ್ ಕೇಸ್ ನಲ್ಲಿ ಏನಿದೆ ಎಂದು ನೋಡಿ ಬೆಚ್ಚಿಬಿದ್ದಿದ್ದಾರೆ.
ಸಾಮಾನ್ಯವಾಗಿ ಹೆಚ್ಚು ಲಗೇಜ್ ಇದ್ದರೆ.. ಪ್ರಯಾಣಿಕರಿಗೆ ಚೆಕ್‌ ಇನ್ ಲಗೇಜ್ ನೀಡಲಾಗುತ್ತದೆ. ಬ್ರೀಫ್‌ಕೇಸ್‌ಗಳಂತಹ ಸಣ್ಣ ಬ್ಯಾಗ್‌ಗಳನ್ನು ಪ್ರಯಾಣಿಕರನ್ನು ತಮ್ಮೊಂದಿಗೆ ತೆಗೆದುಕೊಂಡು ಅನುಮತಿಸಲಾಗಿದೆ. ಒಡಿಶಾದ ಐಪಿಎಸ್ ಅಧಿಕಾರಿ ಅರುಣ್ ಬೋತ್ರಾ ಇತ್ತೀಚೆಗೆ ರಾಜಸ್ಥಾನದ ಜೈಪುರಕ್ಕೆ ತರಳಿದ್ರು. ಕೆಲಸ ಮುಗಿಸಿ ಭುವನೇಶ್ವರಕ್ಕೆ ತೆರಳಲು ಅರುಣ್ ಬೋತ್ರಾ ಜೈಪುರ ವಿಮಾನ ನಿಲ್ದಾಣಕ್ಕೆ ಆಗಮಿಸಿದ್ದರು.
ಈ ವೇಳೆ ಅರುಣ್ ಬೋತ್ರಾ ಒಂದು ಸೂಟ್ ಕೇಸ್ ತಂದರು. ವಿಮಾನ ನಿಲ್ದಾಣದ ಸಿಬ್ಬಂದಿ ಅರುಣ್ ಬೋತ್ರಾ ಅವರ ಸೂಟ್ ಕೇಸ್ ಪರಿಶೀಲನೆ ನಡೆಸಿದ ವೇಳೆ ಅದರಲ್ಲಿದ್ದ ವಸ್ತುಗಳನ್ನು ನೋಡಿ ಸಿಬ್ಬಂದಿ ಬೆಚ್ಚಿಬಿದ್ದಿದ್ದಾರೆ. ಏಕೆಂದರೆ ಸೂಟ್ಕೇಸ್ ತುಂಬಾ ಹಸಿರು ಬಟಾಣಿಗಳಿಂದ ತುಂಬಿವೆ. ಹೌದು, ಅರುಣ್ ಬೋತ್ರಾ ತನ್ನ ಸೂಟ್‌ಕೇಸ್‌ನಲ್ಲಿ 10 ಕೆಜಿ ಹಸಿರು ಬಟಾಣಿಯನ್ನು ಪ್ಯಾಕ್ ಮಾಡಿ ಕೊಂಡೊಯ್ದಿದ್ದಾರೆ. ಚೆಕ್‌ ಇನ್ ಲಗೇಜ್‌ಗೆ ಕೊಟ್ಟರೆ ಬಟಾಣಿ ಹಾಳಾಗುತ್ತದೆ ಎಂದು ಅರುಣ್ ಯೋಚಿಸಿದ್ರಂತೆ.
ಹಾಗಾಗಿ ತನ್ನೊಂದಿಗೆ ತೆಗೆದುಕೊಂಡು ಹೋಗುತ್ತಿರುವುದಾಗಿ ವಿಮಾನ ನಿಲ್ದಾಣದ ಸಿಬ್ಬಂದಿಗೆ ಉತ್ತರಿಸಿದರು. ಅವರ ಮಾತನ್ನು ಕೇಳಿದ ಸಿಬ್ಬಂದಿ ನಗೆಗಡಲಲ್ಲಿ ತೇಲಿದ್ರಂತೆ. ಈ ವಿಷಯವನ್ನು ಐಪಿಎಸ್ ಅಧಿಕಾರಿ ಅರುಣ್ ಬೋತ್ರಾ ತಮ್ಮ ಟ್ವಿಟರ್ ಖಾತೆಯಲ್ಲಿ ಪೋಸ್ಟ್ ಮಾಡಿದ್ದು ವೈರಲ್ ಆಗಿದೆ. ನೆಟ್ಟಿಗರು ಕೂಡ ಕೆಲವು ವಿಮಾನ ನಿಲ್ದಾಣಗಳಲ್ಲಿ ತಮಗಾದ ಅನುಭವಗಳನ್ನು ಹಂಚಿಕೊಂಡಿದ್ದಾರೆ.
Security staff at Jaipur airport asked to open my handbag ? pic.twitter.com/kxJUB5S3HZ
— Arun Bothra ?? (@arunbothra) March 16, 2022
