ಪವನ್‌ ಕಲ್ಯಾಣ್‌ ಅಭಿನಯದ ಭಿಮ್ಲಾ ನಾಯಕ್ ಫೆ.25ರಂದು ತೆರೆಗೆ
ಹೈದರಾಬಾದ್‌ : ನಟ ಪವನ್‌ ಕಲ್ಯಾಣ್‌ ಮತ್ತು ರಾನಾದಗ್ಗುಬಾಟಿ ಅವರು ಮುಖ್ಯ ಭೂಮಿಕೆಯಲ್ಲಿ ನಟಿಸಿರುವ ಭಿಮ್ಲಾ ನಾಯಕ್ ಸಿನಿಮಾ ಇದೇ ಫೆ. 25 ಕ್ಕೆ ತೆರೆಗೆ ಬರಲಿದೆ ಎಂದು ಚಿತ್ರತಂಡ ತಿಳಿಸಿದೆ.
ಕೋವಿಡ್‌ ಕಾರಣದಿಂದ ಈ ಮೊದಲು ಸಿನಿಮಾವನ್ನು ಏಪ್ರಿಲ್‌ ತಿಂಗಳಿನಲ್ಲಿ ಬಿಡುಗಡೆ ಮಾಡುವುದಾಗಿ ಹೇಳಿಕೊಂಡಿತ್ತು ಆದರೆ ಈಗ ಮನಸ್ಸು ಬದಲಿಸಿದಂತೆ ಕಾಣಿಸುತ್ತಿದೆ. ಹಠಾತ್ತನೇ ಸಿನಿಮಾ ರಿಲೀಸ್‌ ದಿನಾಂಕವನ್ನು ಬಿಡುಗಡೆ ಮಾಡಿದೆ.
ಮಾರ್ಚ್‌ ಮತ್ತು ಏಪ್ರಿಲ್‌ನಲ್ಲಿ ಸಾಲು ಸಾಲು ಬಿಗ್‌ ಬಜೆಟ್‌ ಸಿನಿಮಾಗಳು ಬಿಡುಗಡೆಗೆ ಬರಲು ಸಿದ್ಧವಾಗಿರುವ ಕಾರಣದಿಂದ ಭಿಮ್ಲಾ ನಾಯಕ್ ಸಿನಿಮಾ ಫೆಬ್ರುವರಿಯಲ್ಲಿಯೇ ಬರಲು ಸಜ್ಜಾಗಿದೆ ಎಂದು ತೋರುತ್ತಿದೆ. ಸಿನಿಮಾದ ರಿಲೀಸ್‌ಗೆ ಈಗಾಗಲೇ ಸಿದ್ಧತೆ ಶುರುವಾಗಿದೆ ಎಂದು ನಿರ್ಮಾಪಕರು ತಿಳಿಸಿದ್ದಾರೆ.
ಮಲಯಾಳಂನ ಅಯ್ಯಪ್ಪ ಕೋಶಿಯಂ ಸಿನಿಮಾದ ರೀಮೇಕ್‌ ಆಗಿದೆ ಭಿಮ್ಲಾ ನಾಯಕ್. ಇದನ್ನು ಸಾಗರ್‌ ಕೆ ಚಂದ್ರ ಅವರು ನಿರ್ದೇಶಿಸಿದ್ದಾರೆ. ಪವನ್‌ ಕಲ್ಯಾಣ್‌ ಜೊತೆಗೆ ನಿತ್ಯಾ ಮೆನನ್‌, ರಾಣಾ ದಗ್ಗುಬಾಟಿ, ಸಂಯುಕ್ತಾ ಮೆನನ್‌ ಕೂಡ ತೆರೆ ಹಂಚಿಕೊಂಡಿದ್ದಾರೆ.
