ಮುಂಬೈನಲ್ಲಿ ಬಹು ಮಹಡಿ ಕಟ್ಟಡ ಕುಸಿತ, 9ಮಂದಿಗೆ ಗಾಯ

ಮುಂಬೈ : ಬಾಂದ್ರಾದಲ್ಲಿ ಬಹು ಮಹಡಿ ಕಟ್ಟಡವೊಂದು ಕುಸಿದಿದೆ. ಈ ಅಪಘಾತದಿಂದ 9 ಮಂದಿಗೆ ಗಾಯವಾಗಿದೆ. ಪಶ್ಚಿಮ ಉಪನಗರದ ಬೆಹ್ರಾಮ್‌ ನಗರದಲ್ಲಿ ಸಂಜೆ 3.50ರ ಹೊತ್ತಿಗೆ ಈ ಘಟನೆ ಸಂಭವಿಸಿದೆ.

ಸುಮಾರು ನಾಲ್ಕು ಅಂತಸ್ತಿನ ಕಟ್ಟಡ ಇದಾಗಿದೆ. ಕುಸಿದ ತಕ್ಷಣವೇ ಸ್ಥಳಕ್ಕೆ ಅಗ್ನಿಶಾಮಕ ದಳ ಹಾಗೂ ಪೊಲೀಸರು ಬಂದು ರಕ್ಷಣಾ ಕಾರ್ಯಾಚರಣೆ ಶುರು ಮಾಡಿದೆ.

ಸ್ಥಳದಲ್ಲಿ ೬ ಆಂಬುಲೆನ್ಸ್‌, ೫ ಅಗ್ನಿಶಾಮಕ ದಳ ಹಾಗು ರಕ್ಷಣ ವಾಹನವು ಕಾರ್ಯಚರಣೆಗೆ ನೆರವು ನೀಡಿದವು ಎನ್ನಲಾಗಿದೆ.

ಗಾಯಗೊಂಡವರಲ್ಲಿ ಮೂವರು ಬಾಲಕಿಯರು ಮತ್ತು ಇನ್ನೋರ್ವ ೬೪ ವಯಸ್ಸಿನವರು ಎಂದು ತಿಳಿದು ಬಂದಿದೆ. ಎಲ್ಲರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಯಾರ ಪ್ರಾಣಕ್ಕೂ ಅಪಾಯವಿಲ್ಲ ಎಂದು ವೈದ್ಯರು ತಿಳಿಸಿದ್ದಾರೆ