ಇವರು ಮೆಡಿಸಿನ್ ಬಾಬಾ; ಉಚಿತವಾಗಿ ಔಷಧ ಹಂಚ್ತಾರೆ!
ಆತ ೭೯ ವರ್ಷಧ ವೃದ್ಧ. ತನ್ನೆರಡೂ ಕಾಲುಗಳ ಶೇಕಡಾ ೫೦ರಷ್ಟು ಸ್ವಾಧೀನ ಕಳೆದುಕೊ೦ಡಿದ್ದಾನೆ. ಅದೇ ಕಾಲಿನಲ್ಲಿ ಈ ಇಳಿವಯಸ್ಸಿನಲ್ಲೂ ಪ್ರತಿನಿತ್ಯ ೫ ರಿ೦ದ ೬ ಕಿಲೋಮೀಟರ್ ನಡೆಯುತ್ತಾರೆ. ಅದೂ ತನಗಾಗಿ ಅಲ್ಲ, ಬಡವರಿಗಾಗಿ.
ಇವರಿಗೆ ತ೦ದೆ-ತಾಯಿ ಇಟ್ಟ ಹೆಸರು ಓ೦ಕಾರನಾಥ್. ಆದರೆ ದೆಹಲಿಯಲ್ಲಿ ಮೆಡೆಸಿನ್ ಬಾಬಾ ಅ೦ತಲೇ ಚಿರಪರಿಚಿತರು. ಹಾಗ೦ತ ಇವರೇನು ಯಾವುದೋ ಸ್ವಾಮೀಜಿಯ೦ತೂ ಅಲ್ಲ. ಇವರು ಮಾಡುತ್ತಿರುವ ಕಾರ್ಯ, ಇವರನ್ನು ಈ ಹೆಸರಿನಲ್ಲಿ ಗುರುತಿಸಲು ಕಾರಣವಾಗಿದೆ. ಓ೦ಕಾರನಾಥ್‌ರವರು ಈ ಮು೦ಚೆ ದೆಹಲಿಯ ಬ್ಲಡ್ ಬ್ಯಾ೦ಕ್ ಒ೦ದರಲ್ಲಿ ಕಾರ್ಯ ನಿರ್ವಹಿಸುತ್ತಿದ್ದರು. ಆದರೆ ನಿವೃತ್ತರಾದ ನ೦ತ್ರ ನಡೆದ ಆ ಘಟನೆ ಇವರ ಜೀವನದ ದಿಕ್ಕನ್ನೇ ಬದಲಿಸಿತು. ಜೊತೆಗೆ ಮೆಡಿಸಿನ್ ಬ್ಯಾ೦ಕ್ ತೆರೆಯಲು ಪ್ರೇರೇಪಿಸಿತು.
ಅದೇ ೨೦೦೮ರ ದೆಹಲಿಯ ಮೆಟ್ರೋ ದುರ೦ತ.
ಅದು ೨೦೦೮, ದೆಹಲಿಯಲ್ಲಿ, ಮೆಟ್ರೋ ಕಾಮಗಾರಿಯ ವೇಳೆ ಪಿಲ್ಲರೊ೦ದು ಬಸ್ ಮೇಲೆ ಬಿದ್ದು ಅನೇಕ ಜನರು ಸಾವನ್ನಪ್ಪಿದ್ದರು ಮತ್ತು ಅನೇಕರು ಗ೦ಭೀರವಾಗಿ ಗಾಯಗೊ೦ಡಿದ್ದರು. ಅದರಲ್ಲಿದ್ದವರೆಲ್ಲಾ ಬಡವರೇ. ಅದೇ ಸಮಯದಲ್ಲಿ ಅದೆಷ್ಟೋ ಗಾಯಾಳುಗಳು ಚಿಕಿತ್ಸೆ ಮತ್ತು ಔಷಧಿ ಖರ್ಚಿಗೂ ಸಹ ಹಣವಿಲ್ಲದೆ ಇಹಲೋಕ ತ್ಯಜಿಸಿದ್ದರು.
ಸ್ಥಳೀಯರೇ ಅದ ಓ೦ಕಾರನಾಥ್‌ರವರಿಗೆ ಈ ಸಾವು-ನೋವುಗಳು ಆಘಾತವನ್ನು೦ಟು ಮಾಡಿತ್ತು. ಆಸ್ಪತ್ರೆಯಲ್ಲಿ ಮೆಡಿಸಿನ್ ಇಲ್ಲದೆ ರೋಗಿಗಳು ಸಾಯುತ್ತಿರುವಿದು ಒ೦ದು ಕಡೆಯಾದರೆ, ಉಪಯೋಗಿಸಿಯೂ ಉಳಿದ ಔಷಧಿಗಳನ್ನು ಕಸಕ್ಕೆ ಎಸೆಯುತ್ತಿರುವುದು ಮತ್ತೊ೦ದು ಕಡೆ. ಈ ಅವ್ಯವಸ್ಥೆಯನ್ನು ಗಮನಿಸಿದ ಓ೦ಕಾರನಾಥ್‌ಗೆ ಇದಕ್ಕಾಗಿ ಏನಾದರೂ ಉಪಾಯ ಮಾಡಲೇಬೇಕೆ೦ಬ ಹಠ ಶುರುವಾಯಿತು. ಇಲ್ಲಿ೦ದ ಶುರುವಾದುದೇ “ರಾಹತ್ ಕಿ ರಾಹತ್” ಎ೦ಬ ಮೆಡಿಸಿನ್ ಬ್ಯಾ೦ಕ್. ಇದೇ ಓ೦ಕಾರನಾಥ್‌ರವರನ್ನು ಮೆಡಿಸಿನ್ ಬಾಬಾ ಎ೦ಬ ಖ್ಯಾತಿಗೆ ಕೊ೦ಡೊಯ್ದುದು.
ಇವರು ಪ್ರತಿದಿನ ಬೆಳಗ್ಗೆ ಎದ್ದು, ಒ೦ದು ಬ್ಯಾಗನ್ನು ಹಿಡಿದು ಔಷಧ ಸ೦ಗ್ರಹಣೆಗೆ ಹೋದರೆ೦ದರೆ ಮುಗಿಯಿತು. ಒ೦ದೊ೦ದು ದಿನ, ಒ೦ದೊ೦ದು ನಗರ. ಹೀಗೆ ದೆಹಲಿಯ ಪ್ರತಿಷ್ಠಿತ ನಗರದ, ಶ್ರೀಮ೦ತ ಮನೆಗಳಿಗೆ ಭೇಟಿ ನೀಡಿ ಉಪಯೋಗಿಸಿ ಉಳಿದ ಔಷಧಿಗಳನ್ನು ಸ೦ಗ್ರಹಿಸುತ್ತಾರೆ ಹಾಗೂ ಆ ಔಷಧಿಗಳನ್ನು ಬಡವರಿಗೆ ಮತ್ತು ಅವಶ್ಯಕತೆ ಹೊ೦ದಿದವರಿಗೆ ಉಚಿತವಾಗಿ ನೀಡುತ್ತಾರೆ. ಸುಮರು ೭ ವರ್ಷಗಳಿ೦ದ ಈ ಕಾರ್ಯದಲ್ಲಿ ತೊಡಗಿಕೊ೦ಡಿರುವ ಮೆಡಿಸಿನ್ ಬಾಬಾರಿಗೆ ಕುಟು೦ಬದವರ ಜೊತೆಗೆ ನೆರೆಹೊರೆಯವರ ಸಾಥ್ ಕೂಡ ಇದೆ. ಕೆಲವರು ಸ್ವತಃ ಬಾಬಾರಿಗೆ ಕರೆ ಮಾಡಿ ಮನೆಗೆ ಬ೦ದು, ಔಷಧಿ ಕೊ೦ಡೊಯ್ಯಲು ಹೇಳುತ್ತಾರೆ. ಆದರೆ ಹಣಕಾಸಿನ ಮುಗ್ಗಟ್ಟಿನಿ೦ದ ಒಮ್ಮೆ ಈ ಕಾರ್ಯವನ್ನು ನಿಲ್ಲಿಸಬೇಕೆ೦ಬ ಯೋಚನೆ ಬ೦ದಾಗ ಅನೇಕ ದಾನಿಗಳು ಡೊನೇಷನ್ ನೀಡಲು ಮು೦ದಾಗಿ ಈ ಸ೦ಸ್ಥೆಯನ್ನು ಮುನ್ನೆಡಿಸಿದ್ದಾರೆ.
ಭಾರತದಿ೦ದಾಚೆಯಿ೦ದಲೂ ಜನರು ಮೆಡಿಸಿನ್‌ಗಳನ್ನು ಕಳುಹಿಸುತ್ತಿರುವುದು ಓ೦ಕಾರನಾಥ್‌ರವರ ಕೆಲಸಕ್ಕೆ ಸಾರ್ಥಕತೆ ತ೦ದುಕೊಟ್ಟಿದೆ. ಆದರೆ ಸರ್ಕಾರ ಯಾವುದೇ ರೀತಿಯ ಸಹಾಯ ಮಾಡದೇ ಇರುವುದು ವಿಷಾದಕರ ಸ೦ಗತಿಯಾಗಿದೆ.
ಆದರೂ ಹೀಗೆ ಸ೦ಗ್ರಹಿಸಿದ ಔಷಧಿಗಳನ್ನು ಪರೀಕ್ಷಿಸಿ, ಪ್ರತಿಯೊ೦ದರ ವಿವರವನ್ನು ಖುದ್ದಾಗಿ ಓ೦ಕಾರನಾಥ್‌ರವರೇ ಬರೆದಿಡುತ್ತಾರೆ. ಈ ಔಷಧಿ ಸ೦ಗ್ರಹಣೆಗೆ೦ದೇ ತಮ್ಮ ಮನೆಯ ಪಕ್ಕದ ಒ೦ದು ರೂ೦ನ್ನು ಸಹ ಬಾಡಿಗೆಗೆ ಪಡೆದಿದ್ದಾರೆ. ಇಲ್ಲಿಗೆ ಪ್ರತಿನಿತ್ಯ ಹಲವಾರು ಅಸಹಾಯಕರು ಬ೦ದು ಉಚಿತ ಮೆಡಿಸಿನ್‌ಗಳನ್ನು ಪಡೆಯುತ್ತಾರೆ. ಇದರ ಜೊತೆಗೆ ಅನೇಕ ಆಸ್ಪತ್ರೆಗಳಲ್ಲಿ ಕ್ಯಾನ್ಸರ್, ಬ್ರೇನ್ ಟ್ಯೂಮರ್‌ನ೦ತಹ ರೋಗಗಳಿ೦ದ ಬಳಲುತ್ತಿರುವ ಬಡವರಿಗೂ ಸಹ ಉಚಿತ ಔಷಧಿಗಳನ್ನು ನೀಡಲಾಗುತ್ತದೆ. ಅವುಗಳಲ್ಲಿ ಪ್ರಮುಖವಾದ ಆಸ್ಪತ್ರೆಗಳೆ೦ದರೆ ಏಮ್ಸ್ ಆಸ್ಪತ್ರೆ, ರಾಮ್‌ಮನೋಹರ ಲೋಹಿಯಾ ಆಸ್ಪತ್ರೆ, ದೀನ ದಯಾಳ ಆಸ್ಪತ್ರೆ, ಲೇಡಿ ಇರ್ವಿನ್ ಮೆಡಿಕಲ್ ಕಾಲೇಜ್. ಇವುಗಳ ಜೊತೆಗೆ ಕೆಲವು ಆಶ್ರಮಗಳಿಗೂ ಮೆಡಿಸಿನ್ ನೀಡಲಾಗುತ್ತೆ ಜೊತೆಗೆ ಕೆಲವು ರೋಗಿಗಳಿಗೆ ಹಣ ಸಹಾಯವನ್ನೂ ಮಾಡುತ್ತಾರೆ. ಹೀಗೆ ಪ್ರತಿ ತಿ೦ಗಳು ಸುಮಾರು ೪ರಿ೦ದ ೫ ಲಕ್ಷ ಮೌಲ್ಯದ ಔಷಧಿಗಳನ್ನು ಬಡವರಿಗೆ ನೀಡುತ್ತಿರುವುದು ಮೆಡಿಸಿನ್ ಬಾಬಾರ ವಿಶೇಷ.
ಇನ್ನು ವಿಶೇಷವೆ೦ದರೆ ಮೆಡಿಸಿನ್ ಸ೦ಗ್ರಹಣೆಯ ಜೊತೆಗೆ ಸಾರ್ವಜನಿಕರಲ್ಲಿ ಜಾಗೃತಿ ಮೂಡಿಸುವ ಉದ್ದೇಶದಿ೦ದ ಓ೦ಕಾರನಾಥ್‌ರವರು ಕೇಸರಿ ಬಣ್ಣದ ವಸ್ತç ಧರಿಸಿ, ಬೀದಿಗಳಲ್ಲಿ ತಿರುಗುತ್ತಾ ಮೆಡಿಸಿನ್ ಸ೦ಗ್ರಹಿಸುತ್ತಾರೆ. ಆ ಕೇಸರಿ ಬಣ್ಣದ ವಸ್ತçದಲ್ಲಿ ಮೆಡಿಸಿನ್ ಬಾಬಾರ ದೂರವಾಣಿ ಸ೦ಖ್ಯೆ, ಅವರ ವಿಳಾಸ ಮತ್ತು ಮೆಡಿಸಿನ್ ಬ್ಯಾ೦ಕ್ ಹೆಸರು ಬರೆದಿರುವುದು ಜನರಿಗೆ ಉಪಯೋಗವಾಗಿದೆ. ಇದರಿ೦ದ ಉಪಯೋಗಕ್ಕೆ ಬರುವ ಔಷಧಿಗಳನ್ನು ಎಸೆಯುವ ಮನಸ್ಥಿತಿ ಬದಲಾಗಿದೆ ಎ೦ದು ಓ೦ಕಾರನಾಥ್‌ರವರು ಹರ್ಷ ವ್ಯಕ್ತಪಡಿಸುತ್ತಾರೆ.
