ಟ್ರೆಕ್ಕಿಂಗ್‌ಗೆ ಹೋಗಿದ್ದ ಯುವಕ ನಾಪತ್ತೆ; ಗುಡ್ಡದ ತುದಿಯಲ್ಲಿ ಮೊಬೈಲ್, ಸ್ಲಿಪರ್‌ ಪತ್ತೆ!
ಚಿಕ್ಕಮಗಳೂರು; ಬೆಂಗಳೂರಿನಿಂದ ಟ್ರೆಕ್ಕಿಂಗ್‌ಗೆ ಬಂದಿದ್ದ ಯುವಕನೊಬ್ಬ ನಾಪತ್ತೆಯಾಗಿದ್ದಾನೆ. ಮೂಡಿಗೆರೆ ತಾಲೂಕಿನ ದುರ್ಗದಹಳ್ಳಿ ಗುಡ್ಡಕ್ಕೆ ಬಂದಿದ್ದ ಯುವಕ ಬೈಕ್ ಬಿಟ್ಟು ಟ್ರೆಕ್ಕಿಂಗ್‌ಗೆ ಹೋದವನು ಪತ್ತೆಯಾಗಿಲ್ಲ. ಗುಡ್ಡದ ಮೇಲೆ ಯುವಕನ ಬಟ್ಟೆ, ಮೊಬೈಲ್, ಚಪ್ಪಲಿ ಪತ್ತೆಯಾಗಿದೆ. ಹೀಗಾಗಿ ಹಲವು ಅನುಮಾನಗಳಿಗೆ ಕಾರಣವಾಗಿದೆ.
ರಾಣಿಝರಿ ಪಾಯಿಂಟ್‌ನಲ್ಲಿ ಬೈಕ್ ನಿಲ್ಲಿಸಿದ ಭರತ್‌ ಎಂಬ ಯುವಕ ಟ್ರೆಕ್ಕಿಂಗ್‌ಗೆ ಹೋಗಿದ್ದಾನೆ. ಯುವಕನ ಟೀ ಶರ್ಟ್, ಮೊಬೈಲ್, ಸ್ಲಿಪರ್‌ಗಳು ಗುಡ್ಡದ ಕೊನೆಯಲ್ಲಿ ಸಿಕ್ಕಿವೆ. ಐಟಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿದ್ದ ಭರತ್‌ ಬೆಂಗಳೂರಿನಿಂದ ಹಾರ್ನೆಟ್ ಬೈಕ್‌ನಲ್ಲಿ ಬಂದಿದ್ದ ಎಂದು ತಿಳಿದುಬಂದಿದೆ. ಭರತ್‌ ಪೋಷಕರು ಬಾಳೂರು ಪೊಲೀಸರಿಗೆ ಭರತ್‌ನನ್ನು ಹುಡುಕಿಕೊಡುವಂತೆ ಮನವಿ ಮಾಡಿದ್ದಾರೆ.
