ಫಾಜಿಲ್‌ ಹತ್ಯೆ ಪ್ರಕರಣ; ಯಾರನ್ನಾದರೂ ಕೊಲ್ಲಬೇಕೆಂದು ಚರ್ಚಿಸಿದ್ದ ಆರೋಪಿಗಳು..!
ಮಂಗಳೂರು; ಜುಲೈ 28ರಂದು ಕೊಲೆಯಾದ ಫಾಜಿಲ್‌ ಪ್ರಕರಣ ಸಂಬಂದ ಏಳು ಆರೋಪಿಗಳನ್ನು ಪೊಲೀಸರು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ. ಆರೋಪಿಗಳು ಯಾರನ್ನಾದರೂ ಕೊಲೆ ಮಾಡಬೇಕು ಎಂದು ಚರ್ಚೆ ಮಾಡಿ, ಸುಲಭವಾಗಿ ಸಿಗು ಪಾಜಿಲ್‌ನನ್ನು ಆಯ್ಕೆ ಮಾಡಿಕೊಂಡು ಕೊಂದುಹಾಕಿದ್ದಾರೆಂದು ವಿಚಾರಣೆ ವೇಳೆ ತಿಳಿದುಬಂದಿದೆ.
ಮಂಗಳೂರು ಸಿಸಿಬಿ ಪೊಲೀಸರು ಕಾರ್ಯಾಚರಣೆ ನಡೆಸಿ, ಸುಹಾಸ್‌ ಶೆಟ್ಟಿ, ಮೋಹನ್‌, ಗಿರಿಧರ್‌, ಅಭಿಷೇಕ್‌, ಶ್ರೀನಿವಾಸ್‌, ಧೀಕ್ಷಿತ್‌ ಎಂಬುವವರನ್ನು ಬಂಧಿಸಿದ್ದಾರೆ. ಜೊತೆಗೆ ಕೊಲೆ ಮಾಡಲು ಕಾರು ಕೊಟ್ಟ ಮಾಲೀಕನನ್ನು ಅರೆಸ್ಟ್‌ ಮಾಡಲಾಗಿದೆ. ಆರೋಪಿಗಳು ಜುಲೈ 26 ಹಗಾಗೂ 27ರಂದು ಒಂದು ಕಡೆ ಸೇರಿ ಯಾರನ್ನಾದರೂ ಕೊಲೆ ಮಾಡಬೇಕು ಎಂದು ಚರ್ಚೆ ಮಾಡಿದ್ದರು. ಜೊತೆ ಫೋನ್‌ ಮೂಲಕ ಮಾತುಕತೆ ನಡೆಸಿದ್ದರು. ಈ ವೇಳೆ ಅವರು ಆರು ಮಂದಿಯ ಪಟ್ಟಿಯನ್ನು ರೆಡಿ ಮಾಡಿದ್ದರು. ಈ ಆರು ಮಂದಿಯಲ್ಲಿ ಯಾರು ಸುಲಭವಾಗಿ ಸಿಗುತ್ತಾರೆ ಎಂಬುದರ ಬಗ್ಗೆ ಚರ್ಚೆಯಾಗಿದೆ. ಕೊಲೆಗೆ ಫಾಜಿಲ್‌ ರನ್ನು ಆಯ್ಕೆ ಮಾಡಿದ್ದು, ಆತನ ಪೂರ್ವಾಪರ ಹಾಗೂ ಆತನ ಎಲ್ಲೆಲ್ಲಿ ಓಡಾಡುತ್ತಾನೆ ಎಂಬುದನ್ನು ತಿಳಿದುಕೊಂಡು ಆತನನ್ನು ಕೊಲೆ ಮಾಡಲಾಗಿದೆ ಎಂದು ತಿಳಿದುಬಂದಿದೆ.
