ಸಾಲಾರ್ ಚಿತ್ರ ನೋಡಲು ಬಂದಿದ್ದ ಅಭಿಮಾನಿಗೆ ಕರೆಂಟ್ ಶಾಕ್; ಸಾವು

ಆಂಧ್ರಪ್ರದೇಶ; ಇಂದು ಪ್ರಭಾಸ್ ನಟನೆ ಸಾಲಾರ್ ಚಿತ್ರ ರಿಲೀಸ್ ಆಗಿದ್ದು, ಈ ವೇಳೆ ದುರ್ಘಟನೆಯೊಂದು ನಡೆದಿದೆ. ಸತ್ಯಸಾಯಿ ಜಿಲ್ಲೆಯ ಧರ್ಮಾವರಂ ಪಟ್ಟಣದಲ್ಲಿ ವಿದ್ಯುತ್ ಶಾಕ್ ತಗುಲಿ ಪ್ರಭಾಸ್ ಅಭಿಮಾನಿ ಸಾವನ್ನಪ್ಪಿದ್ದಾನೆ. ಇಂದು ಬೆಳಗ್ಗೆ ಈ ದುರ್ಘಟನೆ ನಡೆದಿದೆ.

ಧರ್ಮಾವರಂ ಪಟ್ಟಣದ ರಂಗ ಥಿಯೇಟರ್ ಮುಂಭಾಗದ ಮನೆಯೊಂದರಲ್ಲಿ ಫ್ಲೆಕ್ಸ್​ ರೆಡಿ ಮಾಡಲಾಗುತ್ತಿತ್ತು. ಈ ವೇಳೆ ವಿದ್ಯುತ್ ಸ್ಪರ್ಶವಾಗಿದೆ. ಇಪ್ಪತ್ತೇಳು ವರ್ಷದ ಬಾಲರಾಜು ಸಾವನ್ನಪ್ಪಿದ್ದಾನೆ‌. ಘಟನೆಯಲ್ಲಿ ಗಜೇಂದ್ರ ಯುವಕ ಗಾಯಗೊಂಡಿದ್ದಾನೆಂದು ತಿಳಿದುಬಂದಿದೆ.