ಪ್ರಿಯತಮನ ಮೊಬೈಲ್‌ನಲ್ಲಿ 13,000 ನಗ್ನ ಚಿತ್ರಗಳು; ನೋಡಿ ಶಾಕ್‌ ಆದ ಪ್ರಿಯತಮೆ!
ಬೆಂಗಳೂರು; ತಾನು ಕೆಲಸ ಮಾಡುವ ಕಂಪನಿಯ ಉದ್ಯೋಗಿ ಪ್ರೀತಿಯಲ್ಲಿ ಬಿದ್ದಿದ್ದ ಬೆಂಗಳೂರಿನ ಯುವತಿಯೊಬ್ಬಳು, ತನ್ನ ಪ್ರಿಯತಮ ಮೊಬೈಲ್‌ ಗ್ಯಾಲರಿ ಚೆಕ್‌ ಮಾಡಿ ಶಾಕ್‌ಗೆ ಒಳಗಾಗಿದ್ದಾಳೆ. ಪ್ರಿಯತಮನ ಮೊಬೈಲ್‌ನಲ್ಲಿ 13 ಸಾವಿರಕ್ಕೂ ಹೆಚ್ಚು ನಗ್ನ ಫೋಟೋಗಳು ಸಿಕ್ಕಿದ್ದು, ಅದರಲ್ಲಿ ಯುವತಿಯ ನಗ್ನ ಚಿತ್ರಗೂ ಇವೆ. ಪ್ರೇಯಸಿಯ ನಗ್ನ ಚಿತ್ರಗಳಲ್ಲದೇ ವಿವಿಧ ಮಹಿಳೆಯರ ನಗ್ನ ಚಿತ್ರಗಳು ತನ್ನ ಪ್ರಿಯತಮ ಮೊಬೈಲ್‌ನಲ್ಲಿದ್ದುದನ್ನು ನೋಡಿ ಆಕೆ ಶಾಕ್‌ ಆಗಿದ್ದಾಳೆ.
ತಾನ್ವಿ (ಹೆಸರು ಬದಲಿಸಲಾಗಿದೆ) ಕೆಲಸ ಮಾಡ್ತಿದ್ದ ಬಿಪಿಒ ಕಂಪನಿಯಲ್ಲಿ ಆದಿತ್ಯ ಸಂತೋಷ್ ಎಂಬಾತನ ಪರಿಚತವಾಗುತ್ತದೆ. ಅದು ಪ್ರೀತಿಗೆ ತಿರುಗಿ ಇಬ್ಬರೂ ಕಳೆದ ನಾಲ್ಕು ತಿಂಗಳಿನಿಂದ ರಿಲೇಷನ್ಶಿಪ್ನಲ್ಲಿ ಇರ್ತಾರೆ. ತಾನ್ವಿ ಸಂತೋಷ್ ಜೊತೆ ಕಳೆದಿದ್ದ ಆತ್ಮೀಯ ಕ್ಷಣಗಳ ವಿಡಿಯೋ ಹಾಗೂ ಫೋಟೋಗಳನ್ನು ಡಿಲೀಟ್‌ ಮಾಡಲು ಮುಂದಾಗುತ್ತಾಳೆ. ಪ್ರಿಯಕರ ಆದಿತ್ಯ ಸಂತೋಷ್‌ಗೆ ತಿಳಿಯದಂತೆ ಆತನ ಮೊಬೈಲ್‌ ತೆಗೆದುಕೊಂಡು ಗ್ಯಾಲರಿ ಓಪನ್‌ ಮಾಡಿದಾಗ, ತಾನ್ವಿ ಸೇರಿದಂತೆ ವಿವಿಧ ಮಹಿಳೆಯರು 13 ಸಾವಿರಕ್ಕೂ ಹೆಚ್ಚು ನಗ್ನ ಫೋಟೋಗಳು ಆತನ ಮೊಬೈಲ್‌ನಲ್ಲಿ ಸಿಕ್ಕಿವೆ.
