ಹಾಸ್ಯ ಕಲಾವಿದೆ ನಯನಾ ವಿರುದ್ಧ ಜೀವ ಬೆದರಿಕೆ ದೂರು ದಾಖಲು

ಬೆಂಗಳೂರು; ಖ್ಯಾತ ಹಾಸ್ಯ ಕಲಾವಿದೆ ನಯನಾ ವಿರುದ್ಧ ಆರ್‌ಆರ್‌ ನಗರ ಪೊಲೀಸ್‌ ಠಾಣೆಯಲ್ಲಿ ಕೇಸ್‌ ದಾಖಲಾಗಿದೆ. ಕಿರುತೆರೆಯ ಕಾಮಿಡಿ ಶೋಗಳಲ್ಲಿ ಹೆಸರು ಮಾಡಿದ್ದ, ಅನಂತರ ಹಲವು ಸಿನಿಮಾಗಳನ್ನು ನಟಿಸಿರುವ ನಯನಾ ವಿರುದ್ಧ ಮತ್ತೊಮ್ಮ ಕಲಾವಿದ ಸೋಮಶೇಖರ್‌ ಎಂಬುವವರು ಜೀವ ಬೆದರಿಕೆ ದೂರು ದಾಖಲಿಸಿದ್ದಾರೆ.

ಕಿರುತೆರೆಯ ಕಾಮಿಡಿ ಕಾರ್ಯಕ್ರಮವೊಂದರಲ್ಲಿ ನಯನಾ, ಸೋಮಶೇಖರ್ ಇದ್ದ ತಂಡಕ್ಕೆ 2ನೇ ರನ್ನರ್​ ಅಪ್ ಬಹುಮಾನ ಬಂದಿತ್ತು. 3 ಲಕ್ಷ ರೂಪಾಯಿ‌ ನಗದು ಬಹುಮಾನ ಹಣ ಸಿಕ್ಕಿತ್ತು. ಈ ಹಣದ ಪಾಲು ವಿಚಾರದಲ್ಲಿ ನಯನಾ ಅವರು ಸೋಮಶೇಖರ್​ಗೆ ಕರೆ ಮಾಡಿ ಧಮಕಿ ಹಾಕಿದ್ದಾರೆ ಎನ್ನಲಾಗಿದೆ. ನನಯಾ ಅವರದ್ದು ಎನ್ನಲಾದ ಆಡಿಯೋವೊಂದು ಕೂಡಾ ವೈರಲ್‌ ಆಗಿದೆ. ಈ ಸಂಬಂಧ ಸೋಮಶೇಖರ್‌ ದೂರು ಕೊಟ್ಟಿದ್ದಾರೆ. ಆರ್‌ಆರ್‌ ನಗರ ಠಾಣೆಯಲ್ಲಿ ಎನ್‌ಸಿಆರ್‌ ದಾಖಲಾಗಿದ್ದು, ನಯನಾರನ್ನು ವಿಚಾರಣೆಗೆ ಕರೆಯುವ ಸಾಧ್ಯತೆ ಇದೆ.