ನಿಖಿಲ್‌ ಕುಮಾರಸ್ವಾಮಿ ಇನ್ನು ಫುಲ್‌ ಟೈಮ್‌ ರಾಜಕಾರಣಿಯಂತೆ!
ಮಂಡ್ಯ; ಲೋಕಸಭಾ ಚುನಾವಣೆಯಲ್ಲಿ ರಾಜ್ಯದಲ್ಲಿ ಬಿಜೆಪಿ-ಜೆಡಿಎಸ್‌ ಮೈತ್ರಿ ವರ್ಕೌಟ್‌ ಆಗಿದೆ.. ಇನ್ನೊಂದೆಡೆ ಮಂಡ್ಯದಲ್ಲಿ ಕುಮಾರಸ್ವಾಮಿ ಭಾರೀ ಬಹುಮತದಿಂದ ಗೆದ್ದಿದ್ದು, ಕಳೆದ ಬಾರಿ ನಿಖಿಲ್‌ ಕುಮಾರಸ್ವಾಮಿಯ ಸೋಲಿನ ಸೇಡು ತೀರಿಸಿಕೊಂಡಿದ್ದಾರೆ.. ಇದರಿಂದ ಸಾಕಷ್ಟು ಉತ್ಸಾಹಗೊಂಡಿರುವ ನಿಖಿಲ್‌ ಕುಮಾರಸ್ವಾಮಿ ಇನ್ನು ಫುಲ್‌ ಟೈಮ್‌ ರಾಜಕಾರಣಿಯಾಗುತ್ತಾರಂತೆ..
ಮಂಡ್ಯದಲ್ಲಿ ಮಾತನಾಡಿರುವ ಅವರು, ನನಗೆ ಪಕ್ಷದ ಜವಾಬ್ದಾರಿ ನೀಡಿದ್ದಾರೆ.. ಹೀಗಾಗಿ ನಾನು ಇನ್ನು ಫುಲ್‌ ಟೈಮ್‌ ರಾಜಕಾರಣಿ.. ರಾಜ್ಯಾದ್ಯಂತ ಸಂಚಾರ ಮಾಡಿ ಪಕ್ಷ ಕಟ್ಟುವ ಕೆಲಸ ಮಾಡುತ್ತೇನೆ ಎಂದು ನಿಖಿಲ್‌ ಕುಮಾರಸ್ವಾಮಿ ಹೇಳಿದ್ದಾರೆ.. ಈ ಮೂಲಕ ಪರೋಕ್ಷವಾಗಿ ಸಿನಿಮಾ ರಂಗ ತೊರೆಯುವ ಸೂಚನೆ ನೀಡಿದ್ದಾರೆ..
‘ಜಾಗ್ವಾರ್’, ‘ಸೀತಾರಾಮ ಕಲ್ಯಾಣ’, ‘ಕುರುಕ್ಷೇತ್ರ’, ‘ರೈಡರ್’ ಸಿನಿಮಾದಲ್ಲಿ ನಿಖಿಲ್‌ ಕುಮಾರಸ್ವಾಮಿ ನಟನೆ ಮಾಡಿದ್ದಾರೆ.. ಕಳೆದ ಬಾರಿ ಲೋಕಸಭಾ ಚುನಾವಣೆಯಲ್ಲಿ ಮಂಡ್ಯದಿಂದ ಸ್ಪರ್ಧೆ ಮಾಡಿ ಸುಮಲತಾ ಅವರ ವಿರುದ್ಧ ಸೋತಿದ್ದರು.. ಅನಂತರ ರಾಮನಗರದಲ್ಲಿ ವಿಧಾನಸಭಾ ಚುನಾವಣೆಗೆ ಸ್ಪರ್ಧೆ ಮಾಡಿ ಅಲ್ಲೂ ಸೋಲನುಭವಿಸಿದ್ದರು.. ಇದೀಗ, ಲೋಕಸಭಾ ಚುನಾವಣೆಯಲ್ಲಿ ಜೆಡಿಎಸ್‌ಗೆ ಚೈತನ್ಯ ಬಂದಿದ್ದರಿಂದ ನಿಖಿಲ್‌ ಕುಮಾರಸ್ವಾಮಿ ಮತ್ತೆ ರಾಜಜಕೀಯದಲ್ಲಿ ಆಕ್ಟೀವ್‌ ಆಗಿದ್ದಾರೆ..
