ಚಿನ್ನದ ಗಣಿ ಕುಸಿದು ದುರಂತ; 70 ಮಂದಿ ಕಾರ್ಮಿಕರು ದಾರುಣ ಸಾವು!

ಆಫ್ರಿಕಾ; ಚಿನ್ನದ ಗಣಿಯಲ್ಲಿ ಭೀಕರ ದುರಂತ ಸಂಭವಿಸಿದೆ. ಚಿನ್ನದ ಗಣಿಗಾರಿಕೆ ವೇಳೆ ಗಣಿಯ ಮಣ್ಣು ಕುಸಿದಿದ್ದು, ಮಣ್ಣಿನಡಿ ಸಿಲುಕಿ 70 ಕಾರ್ಮಿಕರು ಜೀವಸಮಾಧಿಯಾಗಿದ್ದಾರೆ. ಆಫ್ರಿಕಾದಲ್ಲಿರುವ ಮಾಲಿ ಚಿನ್ನದ ಗಣಿಯಲ್ಲಿ ಈ ದುರಂತ ನಡೆದಿದೆ.

ಜನವರಿ 19ರಂದೇ ಈ ದುರಂತ ನಡೆದಿದ್ದು, ತಡವಾಗಿ ಬೆಳಕಿಗೆ ಬಂದಿದೆ. ಸ್ಥಳೀಯರ ಪ್ರಕಾರ ಇದು ಪ್ರಮುಖ ಚಿನ್ನದ ಗಣಿ. ಈ ಗಣಿಯಲ್ಲಿ ಸೂಕ್ತ ಸುರಕ್ಷತೆ ಇಲ್ಲ. ಹೀಗಾಗಿ ಇಂತಹ ದುರಂತಗಳು ಮಾಮೂಲಿ. ಆಗಾಗ ಇಂತಹ ಸಾವುನೋವುಗಳು ಸಂಭವಿಸುತ್ತಲೇ ಇರುತ್ತವೆ. ಆದರೂ ಕೂಡಾ ಸರ್ಕಾರ ಸುರಕ್ಷತೆಗೆ ಯಾವುದೇ ಕ್ರಮ ವಹಿಸುತ್ತಿಲ್ಲ ಎಂದು ಸ್ಥಳೀಯ ವಾಸಿಗಳು ಆರೋಪ ಮಾಡುತ್ತಿದ್ದಾರೆ.