ಲ್ಯಾಂಡಿಂಗ್‌ ವೇಳೆ ವಿಮಾನ ಅವಘಡ; ರನ್‌ವೇನಲ್ಲೇ ಹೊತ್ತಿ ಉರಿದ ವಿಮಾನ!
ಟೋಕಿಯೋ; ಟೋಕಿಯೋದಲ್ಲಿ ವಿಮಾನ ದುರಂತ ನಡೆದಿದೆ. ವಿಮಾನ ಲ್ಯಾಂಡ್‌ ಆಗುತ್ತಿರುವ ವೇಳೆ ಹೊತ್ತಿ ಉರಿದಿದೆ. ಹನೆಡಾ ವಿಮಾನ ನಿಲ್ದಾಣದಲ್ಲಿ ಈ ದುರ್ಘಟನೆ ನಡೆದಿದೆ. ವಿಮಾನದಲ್ಲಿ 387 ಮಂದಿ ಪ್ರಯಾಣಿಕರಿದ್ದರು. ಎಲ್ಲರನ್ನೂ ರಕ್ಷಣೆ ಮಾಡಲಾಗಿದೆ ಎಂದು ತಿಳಿದುಬಂದಿದೆ.
JAL 516 ನಂಬರಿನ ವಿಮಾನ ಹೊಕ್ಕೈಡೊದಿಂದ ಟೇಕಾಫ್‌ ಆಗಿತ್ತು. ಲ್ಯಾಂಡಿಂಗ್‌ ವೇಳೆ ಕೋಸ್ಟ್‌ ಗಾರ್ಡ್‌ ವಿಮಾನಕ್ಕೆ ಡಿಕ್ಕಿ ಹೊಡೆದಿದ್ದರಿಂದ ಈ ದುರಂತ ನಡೆದಿದೆ. ವಿಮಾನ ಸಂಪೂರ್ಣ ಸುಟ್ಟು ಕರಕಲಾಗಿದೆ. ಇದರಿಂದಾಗಿ ಈ ವಿಮಾನ ನಿಲ್ದಾಣದಿಂದ ವಿಮಾನ ಹಾರಾಟ ಹಾಗೂ ಲ್ಯಾಂಡಿಂಗ್‌ ಸ್ಥಗಿತವಾಗಿದೆ.
