ಮಲಯಾಳಂನ ಯುವ ನಟಿ ಹೃದಯಾಘಾತಕ್ಕೆ ಬಲಿ

ಶಾರ್ಜಾ; ಯುವ ಸಮುದಾಯದಲ್ಲಿ ಹೃದಯಾಘಾತಗಳು ಹೆಚ್ಚಾಗುತ್ತಿವೆ. ಮಲಯಾಳಂನ ಯುವನಟಿಯೊಬ್ಬರು ಕೂಡಾ ಹೃದಯಾಘಾತಕ್ಕೆ ಬಲಿಯಾಗಿದ್ದಾರೆ. 24 ವರ್ಷ ವಯಸ್ಸಿನ ಮಲಯಾಳಂ ನಟಿ ಲಕ್ಷ್ಮಿಕಾ ಸಂಜೀವನ್​ ಸಾವನ್ನಪ್ಪಿದವರು. ಇವರು ಯುನೈಟೆಡ್​ ಅರಬ್​ ಎಮಿರೇಟ್ಸ್​ನ ಶಾರ್ಜಾಕ್ಕೆ ಹೋಗಿದ್ದರು. ಅಲ್ಲಿಯೇ ಕೊನೆಯುಸಿರೆಳೆದಿದ್ದಾರೆ ಎಂದು ತಿಳಿದುಬಂದಿದೆ.

ಲಕ್ಷ್ಮಿಕಾ ಸಂಜೀವನ್​  ಅವರು ಇನ್ಸ್ಟಾಗ್ರಾಂನಲ್ಲಿ ಕೊನೆಯದಾಗ ನವೆಂಬರ್‌ 2ರಂದು ಪೋಸ್ಟ್‌ ಹಾಕಿದ್ದರು. ಅನಂತರ ಅವರು ಯಾವುದೇ ಪೋಸ್ಟ್‌ ಹಾಕಿರಲಿಲ್ಲ. ಇದೀಗ ಅವರು ನಿಧನರಾಗಿದ್ದಾರೆ ಎಂಬ ಸುದ್ದಿ ಬಂದಿದೆ. ಲಕ್ಷ್ಮಿಕಾ ಸಂಜೀವನ್​ ಅವರು ಪಂಚವರ್ಣತಥಾ, ಸೌದಿ ವೆಲ್ಲಕ್ಕ, ಪೂಜ್ಯಮ್ಮ, ಉಯರೆ, ಒರು ಕುಟ್ಟುನಾಡನ್​ ಬ್ಲಾಗ್​, ನಿತ್ಯಹರಿತ ನಾಯಗನ್​  ಮುಂತಾದ ಸಿನಿಮಾಗಳಲ್ಲಿ ನಟಿಸಿದ್ದಾರೆ.