CMTI ಕ್ಯಾಂಪಸ್‌ನಲ್ಲಿ ಒಂದೇ ದಿನ 23 ಶ್ರೀಗಂಧದ ಮರಗಳ ಕಳವು..!
ಬೆಂಗಳೂರು; ಬೆಂಗಳೂರಿನಲ್ಲಿ ಒಂದೇ ದಿನ 23 ಶ್ರೀಗಂಧದ ಮರಗಳು ಕಳುವಾಗಿವೆ. ಅದೂ ಕೂಡಾ ಸರ್ಕಾರಿ ಸ್ವಾಮ್ಯದ ಕಚೇರಿಯ ಆವರಣದಲ್ಲಿ ಅಂದ್ರೆ ನೀವು ನಂಬಲೇ ಬೇಕು. ತುಮಕೂರು ರಸ್ತೆಯಲ್ಲಿ ಸೆಂಟ್ರಲ್ ಮ್ಯಾನುಫ್ಯಾಕ್ಚರಿಂಗ್ ಟೆಕ್ನಾಲಜಿ ಇನ್‌ಸ್ಟಿಟ್ಯೂಟ್ ಇದೆ. ಇದರ ಆವರಣದಲ್ಲಿ 23 ಗಂಧದ ಮರಗಳನ್ನು ಕಡಿದು ಸಾಗಿಸಲಾಗಿದೆ. ಆಗಸ್ಟ್‌ 18 ಮತ್ತು 19ರ ಮಧ್ಯರಾತ್ರಿ ಗಂಧದ ಮರಗಳನ್ನು ಕಡಿದು ಸಾಗಿಸಲಾಗಿದ್ದು, ತಡವಾಗಿ ಬೆಳಕಿಗೆ ಬಂದಿದೆ.
CMTI ಯ ಸಿಇಒ ಅವರು ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಹಲವಾರು ಗಂಧದ ಮರಗಳಿದ್ದರೂ ಆಡಳಿತ ಮಂಡಳಿ ಸಿಸಿಟಿವಿ ಹಾಕಿಸಿರಲಿಲ್ಲ. ಹೀಗಾಗಿ ಕಳ್ಳರಿಗೆ ಗಂಧದ ಮರ ಕಡಿದು ಸಾಗಿಸಲು ಸುಲಭವಾಗಿದೆ. CMTI ಆಡಳಿತ ಮಂಡಳಿಯ ಲೋಪವೇ ಇದಕ್ಕೆ ಕಾರಣ ಎಂಬ ಆರೋಪ ಕೇಳಿಬಂದಿದೆ.
