ಪರಮೇಶ್ವರ್‌ರನ್ನು ಮುಗಿಸಿ ನೀವು ಸಿಎಂ ಆದಿರಿ; ಸಿದ್ದರಾಮಯ್ಯ ವಿರುದ್ಧ ʻಪ್ರತಾಪʼ
ಮೈಸೂರು; ಸಂಸದ ಪ್ರತಾಪ ಸಿಂಹ ಇನ್ನೂ ಎಳಸು. ಆತನಿಗೆ ಏನೂ ಗೊತ್ತಿಲ್ಲ ಎಂದು ನಿನ್ನೆ ಸಿಎಂ ಸಿದ್ದರಾಮಯ್ಯ ಹೇಳಿದ್ದರು. ಇದಕ್ಕೆ ಇಂದು ಸಂಸದ ಪ್ರತಾಪ ಸಿಂಹ ತಿರುಗೇಟು ನೀಡಿದ್ದಾರೆ. ಮೈಸೂರಿನಲ್ಲಿ ಮಾತನಾಡಿರುವ ಅವರು, ಸಿದ್ದರಾಮಯ್ಯ ನನ್ನನ್ನು ಎಳಸು ಎಂದರೂ ಯಾವುದೇ ತೊಂದರೆ ಇಲ್ಲ. ಆದ್ರೆ ನನ್ನ ಪ್ರಶ್ನೆಗಳಿಗೆ ಅವರು ಉತ್ತರಿಸಲಿ ಸಾಕು ಎಂದರು.
ಸಿದ್ದರಾಮಯ್ಯ ಅವರೇನೀವು ಬುದ್ದಿವಂತರಿದ್ದೀರಿ. ರಾಜ್ಯದ ಹಣಕಾಸು ಸ್ಥಿತಿ ತಿಳಿದಿರುವ ನೀವು ಹೇಗೆ ಈ ಗ್ಯಾರಂಟಿಗಳನ್ನೆಲ್ಲಾ ಘೋಷಣೆ ಮಾಡಿದಿರಿ? ಎಂದು ಪ್ರತಾಪ ಸಿಂಹ ಪ್ರಶ್ನೆ ಮಾಡಿದರು. ನನ್ನನ್ನ ಚೈಲ್ಡ್ ಅಂತಾನೆ ಕರೆಯಿರಿ, ನನಗೇನೂ ಬೇಜಾರು ಇಲ್ಲ. ಆದರೆ, ರಾಜ್ಯದಲ್ಲಿ ಸಂಪನ್ಮೂಲ ಕ್ರೋಢಿಕರಣ ಮಾಡುವುದು ಹೇಗೆ ತಿಳಿಸಿ? ಎಂದು ಕೇಳಿದರು. ಸೀನಿಯರ್ ರಾಜಕಾರಣಿಯಾಗಿರುವ ನೀವು, ಜಿ ಪರಮೇಶ್ವರ್‌ರನ್ನು ಮುಗಿಸಿ ಸಿಎಂ ಆದರಲ್ಲ, ಆ ರೀತಿಯ ಪ್ರಬುದ್ಧತೆ ನನಗೆ ಬೇಕಿಲ್ಲ ಎಂದಿದ್ದಾರೆ.
