ಯಶ್‌ ಜೊತೆ ಸಿನಿಮಾ ಮಾಡ್ತಾರಂತೆ ತೆಲುಗು ನಿರ್ಮಾಪಕ ದಿಲ್ ರಾಜು
ಹೈದರಾಬಾದ್‌; ಕೆಜಿಎಫ್‌ ಚಿತ್ರ ಇಡೀ ದೇಶದ ಗಮನ ಸೆಳೆದಿದೆ. ಎಲ್ಲಾ ಚಿತ್ರರಂಗಗಳೂ ಕನ್ನಡದ ಕಡೆ ನೋಡುವಂತೆ ಮಾಡಿದ ಚಿತ್ರ ಕೆಜಿಎಫ್‌. ಕೆಜಿಎಫ್‌ನಿಂದ ದೊಡ್ಡ ಹೆಸರು ಗಳಿಸಿದ ಯಶ್‌ ಈಗ ದಿಲ್ ರಾಜು ನಿರ್ಮಾಣದ ಚಿತ್ರದಲ್ಲಿ ನಟಿಸುವ ಬಗ್ಗೆ ಹಿಂಟ್‌ ಸಿಕ್ಕಿದೆ. ಖ್ಯಾತ ನಿರ್ಮಾಪಕ ದಿಲ್ ರಾಜು ಅವರೇ ಈ ಬಗ್ಗೆ ಮಾಹಿತಿ ಹಂಚಿಕೊಂಡಿದ್ದಾರೆ.
ಇತ್ತೀಚೆಗೆ ದಿಲ್ ರಾಜು ನಿರ್ಮಾಣ ವಾರಿಸು ಚಿತ್ರ ದೊಡ್ಡ ಮಟ್ಟದಲ್ಲಿ ಹಿಟ್‌ ಆಗಿತ್ತು. ಇನ್ನೊಂದೆಡೆ ರಾಮ್‌ ಚರಣ್‌ ನಟನೆಯ ಗೇಮ್‌ ಚೇಂಜರ್‌ ಚಿತ್ರವನ್ನು ಕೂಡಾ ಅವರು ನಿರ್ಮಾಣ ಮಾಡುತ್ತಿದ್ದಾರೆ. ಈ ನಡುವೆ ಯಶ್‌ ಜೊತೆ ಸಿನಿಮಾ ಮಾಡೋದಾಗಿ ಹೇಳಿಕೊಂಡಿದ್ದಾರೆ. ಇತ್ತೀಚೆಗೆ ದಿಲ್ ರಾಜು ಅವರ ನಿರ್ಮಾಣ ಸಂಸ್ಥೆ ವತಿಯಿಂದ ಟ್ವಿಟರ್‌ನಲ್ಲಿ ಆಸ್ಕ್ ಮಿ ಎನಿಥಿಂಗ್ ಸೆಷನ್ ಆಯೋಜಿಸಲಾಗಿತ್ತು. ಯಶ್‌ ಜೊತೆ ಸಿನಿಮಾ ನಿರೀಕ್ಷೆ ಮಾಡಬಹುದಾ ಎಂದು ಯಶ್‌ ಅಭಿಮಾನಿಯೊಬ್ಬರು ಕೇಳಿದ್ದಾರೆ. ಇದಕ್ಕೆ ದಿಲ್ ರಾಜು ಪರವಾಗಿ ಉತ್ತರಿಸಿರುವ ಶ್ರೀ ವೆಂಕಟೇಶ್ವರ ಕ್ರಿಯೇಷನ್ಸ್, ಹೌದು ಎನ್ನುವ ಉತ್ತರ ನೀಡಿದೆ.
