ಮೈಸೂರಿನ ಮನೆಯೊಂದರಲ್ಲಿ ಸಿಲಿಂಡರ್‌ ಸ್ಫೋಟ; ಏನಾಯ್ತು ಗೊತ್ತಾ..?
ಮೈಸೂರು; ಮೈಸೂರಿನಲ್ಲಿ ಬೆಳ್ಳಂಬೆಳಗ್ಗೆ ಅಡುಗೆ ಅನಿಲ ಸಿಲಿಂಡರ್‌ ಸ್ಫೋಟಗೊಂಡಿದೆ. ಘಟನೆಯಲ್ಲಿ ಹತ್ತು ಮಂದಿ ಗಾಯಗೊಂಡಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದಿದ್ದಾರೆ. ಬನ್ನಿಮಂಟಪದ ಅಗ್ನಿಶಾಮಕ ವಸತಿ ಗೃಹದಲ್ಲಿ ಈ ಘಟನೆ ನಡೆದಿದೆ.
ಅಗ್ನಿಶಾಮಕ ಸಿಬ್ಬಂದಿ ಇರುವ ವಸತಿ ಗೃಹಗಳ ಮನೆಯೊಂದರಲ್ಲಿ ಗ್ಯಾಸ್‌ ಲೀಕ್‌ ಆಗಿದೆ. ಅದು ಗಮನಿಸದೇ ಬೆಳಗ್ಗೆ ಹಾಲು ಕಾಯಿಸಲು ಬೆಂಕಿ ಹಚ್ಚಿದಾಗ ಸಿಲಿಂಡರ್‌ ಸ್ಫೋಟವಾಗಿದೆ. ಬೆಂಕಿ ಅಕ್ಕಪಕ್ಕದ ಮನೆಯವರಿಗೂ ತಗುಲಿದ್ದರಿಂದ ಸುಮಾರು ಹತ್ತು ಮಂದಿ ಗಾಯಗೊಂಡಿದ್ದಾರೆ. ಇದ್ರಲ್ಲಿ ಒಬ್ಬನಿಗೆ ಕೊಂಚ ಗಂಭೀರ ಗಾಯಗಳಾಗಿವೆ.
ಒಂದೇ ಮನೆಯ ನಾಲ್ವರು ಹಾಗೂ ಇತರ 6 ಮಂದಿಗೆ ಗಾಯಗಳಾಗಿದೆ. ಇದ್ರಲ್ಲಿ ಇಬ್ಬರು ಮಕ್ಕಳೂ ಸೇರಿದ್ದಾರೆ. ಎಲ್ಲರಿಗೂ ಸುಟ್ಟು ಗಾಯಗಳಾಗಿವೆ. ಗಾಯಾಳುಗಳು ಸೆಂಟ್‌ ಜೋಸೆಫ್‌ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
