ವಾಟ್ಸಾಪ್‌ಗೂ ಹಿಡಿಯಿತಾ ಗ್ರಹಣ..?; ಮಧ್ಯಾಹ್ನದಿಂದ ವಾಟ್ಸಾಪ್‌ ವ್ಯವಹಾರ ಬಂದ್‌
ಬೆಂಗಳೂರು; ಗ್ರಹಣದ ದಿನ ವಾಟ್ಸಾಪ್‌ಗೂ ಗ್ರಹಣ ಹಿಡಿದಿದೆ. ದೇಶದಾದ್ಯಂತ ವಾಟ್ಸಾಪ್‌ ಮೂಲಕ ಸಂದೇಶ ರವಾನಿಸಲು ಅಥವಾ ಸ್ವೀಕರಿಸಲು ಸಾಧ್ಯವಾಗದೆ ಬಳಕೆದಾರರು ಪರದಾಟ ನಡೆಸುತ್ತಿದ್ದಾರೆ. ಇಂದು ಮಧ್ಯಾಹ್ನ 12.30ರಿಂದ ಈ ಸಮಸ್ಯೆ ಉಂಟಾಗಿದ್ದು, ಸಮಸ್ಯೆ ಹಾಗೆಯೇ ಮುಂದುವರೆದಿದೆ.
ವಾಟ್ಸಾಪ್‌ ಮೊಬೈಲ್‌ ಅಪ್ಲಿಕೇಷನ್‌ ಮತ್ತು ವಾಟ್ಸಾಪ್‌ ವೆಬ್‌ ಎರಡಲ್ಲೂ ಸಮಸ್ಯೆ ಉಂಟಾಗಿದೆ. ಆಡಿಯೊ ಮತ್ತು ವಿಡಿಯೊ ಕಾಲ್‌ ಸೇವೆಯೂ ಸಿಗುತ್ತಿಲ್ಲ ಎಂದು ವಾಟ್ಸಾಪ್‌ ಗ್ರಾಹಕರು ದೂರುತ್ತಿದ್ದಾರೆ. ವಾಟ್ಸಾಪ್‌ ಕಡೆಯಿಂದ ಈ ಬಗ್ಗೆ ಇದುವರೆಗೆ ಯಾವುದೇ ಪ್ರತಿಕ್ರಿಯೆ ಸಿಕ್ಕಿಲ್ಲ. ಯಾಕೆ ಹೀಗಾಗಿದೆ ಎಂಬುದರ ಬಗ್ಗೆ ಇನ್ನಷ್ಟೇ ಮಾಹಿತಿ ಸಿಗಬೇಕಿದೆ.
