ಅಪ್ಪು ಸಮಾಧಿಗೆ ನಟ ಅಲ್ಲು ಅರ್ಜುನ್ ಪುಷ್ಪನಮನ : ಕುಟುಂಸ್ಥರಿಗೆ ಸಾಂತ್ವನ
ಬೆಂಗಳೂರು: ಟಾಲಿವುಡ್ ಐಕಾನ್‌ ಸ್ಟಾರ್‌ ಅಲ್ಲು ಅರ್ಜುನ್ ಅಪ್ಪು ಸಮಾಧಿಗೆ ಭೇಟಿ ನೀಡಿ ಪುಷ್ಟ ನಮನವನ್ನು ಸಲ್ಲಿಸಿದ್ರು. ಹೈದರಾಬಾದ್‌ನಿಂದ ಖಾಸಗಿ ವಿಮಾನದ ಮೂಲಕ ಬೆಂಗಳೂರಿಗೆ ಬಂದಿಳಿದ ಅಲ್ಲು ಅರ್ಜುನ್ ನೇರವಾಗಿ ಶಿವರಾಜ್‌ಕುಮಾರ್‌ ನಿವಾಸಕ್ಕೆ ತೆರಳಿ ಮಾತುಕತೆ ನಡೆಸಿದ್ದಾರೆ. ಬಳಿಕ ಸದಾಶಿವನಗರದಲ್ಲಿರುವ ಪುನೀತ್‌ ನಿವಾಸಕ್ಕೂ ಕೂಡ ಭೇಟಿ ನೀಡಿ ಅಶ್ವಿನಿ ಪುನೀತ್‌ ಅವರಿಗೆ ಸಾಂತ್ವನ ಹೇಳಿದ್ರು.
ಅಲ್ಲಿಂದ ಕಂಠೀರವ ಸ್ಟುಡಿಯೋಗೆ ತೆರಳಿ ದಿವಂಗತ ಪವರ್‌ ಸ್ಟಾರ್‌ ಪುನೀತ್‌ ರಾಜ್‌ಕುಮಾರ್‌ ಅವರಿಗೆ ಪುಷ್ಟ ನಮನವನ್ನು ಸಲ್ಲಿಸಿದ್ರು. ಈ ವೇಳೆ ಡಾ.ರಾಜ್‌ ಸಮಾಧಿ ಹಾಗೂ ಪಾರ್ವತಮ್ಮ ರಾಜ್‌ಕುಮಾರ್‌ ಸಮಾಧಿಗೂ ಹೂವಿನ ಹಾರ ಹಾಕಿ ನಮನ ಸಲ್ಲಿಸಿದ್ರು.
ಕಳೆದ ಬಾರಿ ಪುಷ್ಟ ಸಿನಿಮಾ ರಿಲೀಸ್‌ ಈವೆಂಟ್‌ಗೆ ಬಂದ ವೇಳೆ ಪುನೀತ್‌ ನಿವಾಸಕ್ಕೆ ಭೇಟಿ ನೀಡಿರಲಿಲ್ಲ. ಇದು ಭೇಟಿ ಮಾಡುವ ಸಮಯ ಅಲ್ಲ. ನಾನು ಬಂದಿದ್ದು ಸಿನಿಮಾ ಕಾರ್ಯಕ್ರಮಕ್ಕಾಗಿ ಈಗ ಹೋಗುವುದು ಸರಿ ಇರುವುದಿಲ್ಲ. ಅವರನ್ನು ಭೇಟಿ ಮಾಡುವುದಕ್ಕಾಗಿ ಸಮಯ ನಿಗದಿ ಮಾಡಿಕೊಂಡು ಬರುವೆ ಎಂದಿದ್ರು ಹೇಳಿದ ಮಾತಿನಂತೆ ಇಂದು ಬಂದು ನೆಚ್ಚಿನ ಗೆಳೆಯನಿಗೆ ನಮನ ಅರ್ಪಿಸಿದ್ದಾರೆ.
ಅಲ್ಲು ಅರ್ಜುನ್ ಕಂಠೀರವ ಸ್ಟುಡಿಯೋಗೆ ಆಗಮಿಸುತ್ತದ್ದಂತೆ ಅಭಿಮಾನಿಗಳ ದಂಡೇ ಹರಿದುವಂದಿತ್ತು. ನೆಚ್ಚಿನ ನಟನನ್ನು ನೋಡಲು ಸ್ಟುಡಿಯೋ ಬಳಿ ಜನಜಂಗುಳಿ ನಿರ್ಮಾಣವಾಗಿತ್ತು.
