ಅಮೆರಿಕಾದಲ್ಲಿ ಭೀಕರ ರಸ್ತೆ ಅಪಘಾತ; ಒಂಭತ್ತು ಮಂದಿ ಸಾವು

ಅಮೆರಿಕಾ:  ಭೀಕರ ರಸ್ತೆ ಅಪಘಾತಕ್ಕೆ ಒಂಭತ್ತು ಮಂದಿ ಬಲಿಯಾಗಿರುವ ಘಟನೆ ಅಮೆರಿಕಾದಲ್ಲಿ ನಡೆದಿದೆ. ಒಬ್ಬರಿಗೆ  ಗಂಭೀರ ಗಾಯವಾಗಿವೆ ಎನ್ನಲಾಗಿದೆ. ಅಮೆರಿಕದ ನೆವಾಡಾ ರಾಜ್ಯ ಲಾಸ್ ವೇಗಾಸ್ ನಲ್ಲಿ ಆರು ವಾಹನಗಳು ಪರಸ್ಪರ ಡಿಕ್ಕಿ ಹೊಡೆದಿವೆ. ಘಟನೆಯಲ್ಲಿ ಒಂಭತ್ತು ಮಂದಿ ಸಾವನ್ನಪ್ಪಿದ್ದು, ಹಲವರಿಗೆ ಗಂಭೀರವಾಗಿ ಗಾಯಗೊಂಡಿದ್ದಾರೆ. ಅದರಲ್ಲಿ ಒಬ್ಬ ವ್ಯಕ್ತಿಯ ಸ್ಥಿತಿ ಚಿಂತಾಜನಕವಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಸ್ಥಳೀಯರ ಪ್ರಕಾರ, ಶನಿವಾರ ಮಧ್ಯಾಹ್ನ 3 ಗಂಟೆಗೆ ಈ ರಸ್ತೆ ಅಪಘಾತ ಉಂಟಾಗಿದೆ. ಅಪಘಾತದಲ್ಲಿ 15 ಜನರು ಗಾಯಗೊಂಡಿದ್ದಾರೆ. ವೇಗವಾಗಿ ಬಂದ ಕಾರು ನಿಯಂತ್ರಣ ತಪ್ಪಿ ಮತ್ತೊಂದು ವಾಹನಕ್ಕೆ ಡಿಕ್ಕಿ ಹೊಡೆದಿದೆ ಎಂದು ಉತ್ತರ ಲಾಸ್ ವೇಗಾಸ್ ಪೊಲೀಸ್ ಅಧಿಕಾರಿ ಅಲೆಕ್ಸಾಂಡರ್ ಕ್ಯುವಾಸ್ ಹೇಳಿದ್ದಾರೆ. ಮೃತರೆಲ್ಲರೂ ಹದಿಹರೆಯದ ವಯಸ್ಸಿನವರು ಎಂಬ ವಿಚಾರ ವಿಷಾದನೀಯ ಸಂಗತಿ.