ಡ್ರೋನ್‌ ಮೂಲಕ ಬಂತು ಹೆರಾಯಿನ್‌; 8 ಕೆಜಿ ಡ್ರಗ್ಸ್‌ ವಶ..!
ಅಮೃತಸರ: ಇಂಡೋ -ಪಾಕ್‌ ಅಂತಾರಾಷ್ಟ್ರೀಯ ಬಾರ್ಡರ್‌ನಲ್ಲಿ ಎಂಟು ಕೆಜಿ ಹರಾಯಿನ್‌ ವಶಪಡಿಸಿಕೊಳ್ಳಲಾಗಿದೆ. ಪಂಜಾಬ್‌ ನ ಅಮೃತಸರದ ಪಾಕಿಸ್ತಾನದ ಗಡಿಯಲ್ಲಿ ಈ ಡ್ರಗ್ಸ್‌ ಪತ್ತೆಯಾಗಿದೆ. ಡ್ರೋನ್‌ ಮೂಲಕ ಹೊಲದಲ್ಲಿ ಹೆರಾಯಿನ್‌ ಬಿಸಾಕಲಾಗಿದೆ.
ಬಿಎಸ್‌ಎಫ್‌ ಸಿಬ್ಬಂದಿ ಹುಡುಕಾಟದ ವೇಳೆ ಈ ಹೆರಾಯಿನ್‌ ಬ್ಯಾಗ್‌ ಸಿಕ್ಕಿದೆ. ಪಾಕಿಸ್ತಾನದಿಂದ ಡ್ರೋನ್‌ಗಳ ಮೂಲಕ ಹೆರಾಯಿನ್‌ ಭಾರತಕ್ಕೆ ರವಾನೆಯಾಗುತ್ತಿದೆ ಎಂಬ ಆರೋಪವಿದೆ. ಕಳೆದ ಹಲವು ದಿನಗಳಿಂದ ಹಲವಾರು ಬಾರಿ ಡ್ರಗ್ಸ್‌ ರವಾನೆ ಮಾಡಿರುವುದು ಪತ್ತೆಯಾಗಿದೆ. ಈಗಾಗಲೇ ಹಲವು ಬಾರಿ ಬಿಎಸ್‌ಎಫ್‌ ಸಿಬ್ಬಂದಿ ಡ್ರಗ್ಸ್‌ ವಶಪಡಿಸಿಕೊಂಡಿದ್ದಾರೆ.
