ಕುಡಿದ ಶಾಲಾ ವಾಹನ ಓಡಿಸಿ ಸಿಕ್ಕಿಬಿದ್ದ ಚಾಲಕರು

ಬೆಂಗಳೂರು; ಶಾಲಾ ಮಕ್ಕಳನ್ನು ಕರೆ ತರುವ ವಾಹನ ಚಾಲಕರು ಹಾಗೂ ಸಹಾಯಕರಿಗೆ ಹಲವು ನಿಬಂಧನೆ ವಿಧಿಸಲಾಗಿದೆ. ಆದ್ರೆ ಅದನ್ನು ಪಾಲಿಸದೆ ಬೆಳಗ್ಗೆಯೇ ಚಾಲಕರು ಕುಡಿದು ಶಾಲಾ ಮಕ್ಕಳ ವಾಹನ ಓಡಿಸುತ್ತಿದ್ದದ್ದು ಕಂಡು ಬಂದಿದೆ.

ಇಂದು ಬೆಳಗ್ಗೆ 7 ರಿಂದ 9.30ರವರೆಗೆ ಸಂಚಾರಿ ಪೊಲೀಸರು ಕಾರ್ಯಾಚರಣೆ ನಡೆಸಿದರು. ಈ ವೇಳೆ 16 ಶಾಲಾ ವಾಹನ ಚಾಲಕರು ಮದ್ಯ ಸೇವನೆ ಮಾಡಿ ವಾಹನ ಓಡಿಸುತ್ತಾ ಸಿಕ್ಕಿಬಿದ್ದಿದ್ದಾರೆ.

 ಬೆಳಗ್ಗೆ 3414 ವಾಹನಗಳನ್ನು ವಾಹನಗಳನ್ನು ತಪಾಸಣೆ ಮಾಡಲಾಗಿತ್ತು. ಇದರಲ್ಲಿ 16 ಚಾಲಕರು ಕುಡಿದು ವಾಹನ ಚಲಾಯಿಸುತ್ತಿದ್ದರು. ಅವರ ವಿರುದ್ದ ಕ್ರಿಮಿನಲ್ ಕೇಸ್ ದಾಖಲು ಮಾಡಲಾಗಿದ್ದು, ಅವರ ಪರವಾನಗಿಯನ್ನು ಆರ್ ಟಿಒ ಕಚೇರಿಗೆ ಕಳುಹಿಸಲಾಗಿದೆ.