ಗ್ಯಾಸ್‌ ಸೋರಿಕೆಯಾಗಿ ಸಿಡಿದ ಸಿಲಿಂಡರ್‌; ದಂಪತಿ ಸಾವು!
ಕೋಲಾರ; ಮನೆಯಲ್ಲಿ ಅಡುಗೆ ಅನಿಲ ಸಿಲಿಂಡರ್‌ನಲ್ಲಿ ಗ್ಯಾಸ್‌ ಸೋರಿಕೆಯಾಗಿ ಸಿಲಿಂಡರ್‌ ಸಿಡಿದಿದೆ. ಬೆಂಕಿಯಲ್ಲಿ ದಂಪತಿ ತೀವ್ರವಾಗಿಗೊಂಡಿದ್ದರು. ಇದೀಗ ದಂಪತಿ ಸಾವನ್ನಪ್ಪಿರುವ ದಾರುಣ ಘಟನೆ ಕೋಲಾರದಲ್ಲಿ ನಡೆದಿದೆ.
ಕೋಲಾರ ಬಳಿಯ ಮಣಿಘಟ್ಟ ರಸ್ತೆಯಲ್ಲಿ ಬರುವ ಮಧುಸೂದನ್‌ ಅವರ ತೋಟದ ಮನೆಯಲ್ಲಿ ಇದೇ ತಿಂಗಳ 16 ರಂದು ಸಿಲಿಂಡರ್‌ ಸಿಡಿದಿತ್ತು. ಇದರಿಂದಾಗಿ ಕೋಲಾರ ಜಿಲ್ಲೆ ಮುಳಬಾಗಿಲು ತಾಲೂಕಿನ ಕುಪ್ಪಡಹಳ್ಳಿ ಗ್ರಾಮದ ದಂಪತಿ ತೀವ್ರವಾಗಿ ಸುಟ್ಟು ಗಾಯಗೊಂಡಿದ್ದರು. ಅವರನ್ನು ಬೆಂಗಳೂರಿನ ವಿಕ್ಟೋರಿಯಾ ಆಸ್ಪತ್ರೆಗೆ ಸೇರಿಸಲಾಗಿತ್ತು, ಆದ್ರೆ ಚಿಕಿತ್ಸೆ ಫಲಕಾರಿಯಾಗದೆ ಇಬ್ಬರೂ ಸಾವನ್ನಪ್ಪಿದ್ದಾರೆ.
