ಪುನೀತ್‌ ಪರ್ವ ಕಾರ್ಯಕ್ರಮ ನೋಡುತ್ತಾ ಅಭಿಮಾನಿ ಸಾವು
ಬೆಂಗಳೂರು; ಟಿವಿಯಲ್ಲಿ ಪುನೀತ್‌ ಪರ್ವ ಕಾರ್ಯಕ್ರಮ ನೋಡಿ ಕಣ್ಣೀರು ಹಾಕಿದ್ದ ಅಭಿಮಾನಿ ಹೃದಯಾಘಾತದಿಂದ ಸಾವನ್ನಪ್ಪಿದ್ದಾನೆ. ಖಾಸಗಿ ಫೈನಾನ್ಸ್‌ನಲ್ಲಿ ಕೆಲಸ ಮಾಡುತ್ತಿದ್ದ ಗಿರಿರಾಜ್‌ ಎಂಬಾತನೇ ಹೃದಯಾಘಾತದಿಂದ ಸಾವನ್ನಪ್ಪಿರುವ ಯುವಕ.
ಗಿರಿರಾಜ್‌ ಅವರು ಪುನೀತ್‌ ಅವರ ಅಭಿಮಾನಿಯಾಗಿದ್ದರು ಎಂದು ತಿಳಿದುಬಂದಿದೆ. ಎರಡು ಮೂರು ಬಾರಿ ಅವರು ಪುನೀತ್‌ ಅವರನ್ನು ಭೇಟಿಯೂ ಆಗಿದ್ದರಂತೆ. ನಿನ್ನೆ ಪುನೀತ್‌ ಪರ್ವ ಕಾರ್ಯಕ್ರಮಕ್ಕೆ ಹೋಗಲು ಗಿರಿರಾಜ್‌ ನಿರ್ಧರಿಸಿದ್ದರು. ಆದ್ರೆ, ಮಳೆ ಬಂದಿದ್ದರಿಂದ ಮನೆಯಲ್ಲೇ ಉಳಿದಿದ್ದಾರೆ. ಮನೆಯವರ ಜೊತೆ ಕಾರ್ಯಕ್ರಮ ನೋಡುತ್ತಿದ್ದ ಅವರು, ಬಿಕ್ಕಿ ಬಿಕ್ಕಿ ಅಳೋಕೆ ಶುರು ಮಾಡಿದ್ದರು. ಈ ಮಧ್ಯೆ ಶೌಚಾಲಯಕ್ಕೆ ಹೋಗಿದ್ದ ಅವರು ಅಲ್ಲಿಯೇ ಕುಸಿದುಬಿದ್ದಿದ್ದಾರೆ. ಕೂಡಲೇ ಆಸ್ಪತ್ರೆಗೆ ಕೊಂಡೊಯ್ಯಲಾಗಿದೆ. ಆದ್ರೆ ಅಷ್ಟರಲ್ಲಾಗಲೇ ಅವರು ಸಾವನ್ನಪ್ಪಿದ್ದಾರೆ.
