ಇಸ್ರೇಲ್ ಪಡೆಗಳ ಗುಂಡಿಗೆ ಅರಬ್‌ನ ಖ್ಯಾತ ಪತ್ರಕರ್ತೆ ಬಲಿ
ಜೆನಿನ್ (ಪ್ಯಾಲೇಸ್ಟೀನ್); ಇಸ್ರೇಲ್ ಪಡೆಗಳ ಗುಂಡಿನ ದಾಳಿ ಸಿಕ್ಕಿ ಖ್ಯಾತ ಅಲ್ ಜಜೀರಾ ವಾಹಿನಿಯ ಹಿರಿಯ ವರದಿಗಾರ್ತಿ ಶಿರೀನ್ ಅಬು ಆಕ್‌ಲೇಹಾ ಬಲಿಯಾಗಿದ್ದಾರೆ. ಪ್ಯಾಲೇಸ್ತೇನಿಯನ್‌ನ ವೆಸ್ಟ್‌ ಬ್ಯಾಂಕ್‌ನಲ್ಲಿರುವ ನಿರಾಶ್ರಿತರ ಬಗ್ಗೆ ವರದಿ ಮಾಡಲು ಹೋಗಿದ್ದಾಗ ಈ ಹತ್ಯೆ ನಡೆದಿದೆ ಎಂದು ತಿಳಿದುಬಂದಿದೆ.
ಇಸ್ರೇಲ್ ಸೇನೆಯ ಸ್ನೈಪರ್‌ಗಳು ಪತ್ರಕರ್ತೆ ಶಿರಿನ್‌ ಮೇಲೆ ಗುಂಡಿನ ದಾಳಿ ನಡೆಸಿದ್ದಾರೆ. ಇದ್ರಿಂದಾಗಿ ಶಿರೀನ್ ಅಬು ಸ್ಥಳದಲ್ಲೇ ಸಾವನ್ನಪ್ಪಿದರು ಎಂದು ಫೋಟೋಗ್ರಾಫರ್‌ ಒಬ್ಬರು ಮಾಹಿತಿ ನೀಡಿದ್ದಾರೆ. ಅಲ್ ಜಜೀರಾ ವಾಹಿನಿ ಹಾಗೂ ಪ್ಯಾಲೇಸ್ಟೀನ್ ಆರೋಗ್ಯ ಇಲಾಖೆ ಕೂಡಾ ಈ ಘಟನೆ ನಡೆದಿರುವುದನ್ನು ಖಚಿತಪಡಿಸಿವೆ. ಶಿರೀನ್ ಅವರು ಅರಬ್‌ ದೇಶಗಳಲ್ಲಿ ಜನಪ್ರಿಯ ಪತ್ರಕರ್ತೆಯಾಗಿದ್ದರು. ಅವರ ನಿಧನದ ಬಗ್ಗೆ ಇಸ್ರೇಲ್ ಆರ್ಮಿ ಇದುವರೆಗೆ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ.
